Hans-Georg Gadamer

Saka Wikipédia Jawa, bauwarna bébas abasa Jawa
Hans-Georg Gadamer
Kala Filsafat abad ka-20
Tlatah Filsuf Kulon
Aliran Filsafat kontinental, Hermeneutika
Karsa pokok
Metafisika, Epistemologi, Basa, Ontologi, Estetika
Gantha misuwur
hermeneutika filosofis, 'filsafat praktis', lan produk minagka tradisi kang béda kanthi asal saka tradisi kasebut, basa dimupangatake kanthi arupa werna.

Hans-Georg Gadamer (Pangucap cara Jerman: [ˈɡaːdamɐ]; 11 februari 1900 – 13 Maret 2002) inggih punika satunggalipun filsuf saking Jerman ingkang misuwur amargi karyanipun nalika taun 1960, "Wahrheit und Methode" (Kaleresan lan Metode).[1][2]

Gesangipun[besut | besut sumber]

Gadamer dipunlairaken ing Marburg, Jerman, minangka putranipun kimiawan farmasi ingkang ugi dados rektor ing mrika.[1] Gadamer nglawan bapakipun ingkang ndhawuhi supados sinau ilmu-ilmu alam.[1] Ananging Gadamer langkung milih ilmu humaniora. Panjenenganipun ageng lan sekolah ing Breslau, ananging boten dangu wenten mrika Gadamer pindhah dhateng Marburg kangge sinau kaliyan para fisuf Neo-Kantian Paul Natorp lan Nicolai Hartmann. Panjenenganipun saged nahanake dhisertasinipun taun 1922.[1] Boten dangu saking punika, Gadamer lajeng tindak dhateng Freiburg lan sinau kaliyan Martin Heidegger, ingkang ing wekdal punika satunggalipun sarjana enem ingkang wasis ananging dereng angsal gelar profesor. Gadamer lajeng dados salah satunggalipun kelompok mahasiswa kados Leo Strauss, Karl Löwith, lan Hannah Arendt.[1] Gadamer kaliyan Heidegger dados akrab, lan nalika Heidegger angsal angsal jabatan ing Marburg, Gadamer ndherek Heidegger ing mrika.[1] Prabawa saking Heidegger ingkang maringi Gadamer pola pikiran ingkang khas lan nebihaken Gadamer saking prabawa Neo-Kantian saking Natorp lan Hartmann.[2]

Cathetan Suku[besut | besut sumber]

  1. ^ a b c d e f (en)Hans-Georg Gadamer dipunundhuh tanggal 16 Juli 2011)
  2. ^ a b (en)Hans-Georg Gadamer Dies; Noted German Philosopher dipunundhuh tanggal 16 Juli 2011)

Pranala Njawi[besut | besut sumber]

(en)Hans-Georg Gadamer Dies; Noted German Philosopher