Grojogan Sendang Gile

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Air Terjun Sendhang Gile

Grojogan Sendang Gile kalebet salah satunggaling grojogan ingkang kawéntar wonten ing Lombok. Toyanipun saking Gunung Rinjani amargi papan punika mapanipun ngandhaping Gunung Rinjani ingkang kalebet gunung paling dhuwur nomer 3 sak-Indonesia. Papan pariwisata ingkang taksih asri punika mliginipun wonten ing désa Senaru, Kacamatan Bayan, Kabupatèn Lombok Utara. Désa punika tebihipun kirang langkung 60 km saking kutha krajan Mataram. Grojogan kanthi dhuwur kirang langkung 30 mèter punika curahing toya ageng. Toya ingkang medal saking nginggiling tebing dhawah dhateng kali ingkang cethèk saéngga para wisatawan saged siram lan renang [1].

Asal mula[besut | besut sumber]

Kala rumiyin dipunparingi nama Air Terjun Sendhang Gile amargi masarakat wonten ing mriku boten sengaja manggihaken grojogan punika nalika nembé mburu singa édan utawi gila ingkang damel rusuh wonten ing salah satunggaling kampung lajeng mlayu dhateng wana [2]. Déné anggènipun mlayu punika papan kapanggihaken grojogan punika. Penduduk ing mriku nyebat singa gila kanthi sebatan sengang gila. Nanging, anggènipun nglafalaken saya dangu dados éwah dados sendang. Awit saking punika, grojogan punika kawéntar kanthi nama Sendang Gila.

Kaéndahan[besut | besut sumber]

Manawi badhé tindak dhateng grojogan punika, para wisatawan kedah ngliwati 300-an anak tangga medal lembah kanthi wekdal kirang langkung 15 menit. Dumugi grojogan Sendhang gile, swasananipun sepi kaliyan sesawangan ingkang éndah. Grojogan punika mapan wonten 600 mèter sanginggiling lumah segara. Kajawi punika, wonten ing papan punika wonten kapitayan utawi mitos bilih toya ing grojogan punika saged damel langkung enèm satunggal taun saking umuripun ateges ngandhut unsur magis [3].

Celak kaliyan Grojogan Sendang Gile wonten ugi grojogan Tiu Kelep. kanggé mlampah dhateng Grojogan Tiu Kelep punika mbetahaken wekdal kirang langkung 40 menit saking Grojogan Sendang Gile. Mangandhap mawi anak tangga, liwat margi ndhèrèk ilining irigasi, lajeng nyebrang kali ingkang kathah watu-watunipun, banjur medal dalan ingkang sakiwa tengenipun kathah wit-witan. Wonten ing mriku kathah monyet utawi kera.

Cathetan suku[besut | besut sumber]

  1. [1], (id) http://www.iftfishing.com Air terjun Sendang Gile (dipun-akses tanggal 20 Dhésèmber 2012)
  2. (id) [2], Air Terjun Sendhang Gile, Lombok (dipun-akses tanggal 02 Oktober 2012)
  3. [3], (id) Air Terjun Sendhang Gile, Lombok (dipun-akses tanggal 02 Oktober 2012)