Golden Retriever

Saka Wikipédia Jawa, bauwarna bébas abasa Jawa
Golden Retriever
Negara asal Karajan Manunggal
Katrangan
Dog (Canis lupus familiaris)

Golden Retriever ya iku asu trah kang dikembangké dadi asu pamburu kanggo njupuk manuk buruan kang wis dibedhil.[1] Asu trah iki kagolong jinis Retriever (panjupuk) kang bisa nemu utawa njupuk manuk banyu utawa unggas kang isih liar kanggo pamburu.[1] Wuluné kaya emas (golden) nalika ing ngisor srengéngé, mula diarani Golden Retriever.[1] Jinis iki dikembangké dadi asu kang manut intuisi seneng karo banyu. Nalika njupuk asil buruan, asu iki ora ngrusak kéwan kang diburu.[1] Kéwan asil buruan diwènèhaké marang pamburu isih wutuh lan ora rusak.[1] Kacerdasan lan kapinteran kang manékawarna ndadèkaké Golden Retriever dadi asu kang bisa warna-warna.[1] Antarané, didadèkaké asu pelacak narkoba, asu panulung SAR (Search and Rescue), asu pamburu, lan asu panuntun wong wuta.[2] Sifaté kang seneng kekancan, sabar, lan bisa nyenengaké atiné sing duwé, gawé Golden Retreiver dadi salah sijiné asu kang paling kondhang ing donya (miturut statistik pratélan asu).[2]

Wuluné kang rapet lan tahan banyu, bisa lurus utawa ngombak.[2] Wuluné racaké ngrapet ing awak, ora ngadeg.[2] Standhar American Kennel Club (AKC) nyatakaké yèn wulu kandel, werna emas kang cemlorot ing saben wayah, lan ora diakoni wulu kang padhang banget utawa peteng banget.[2] Mula iku putih resik lan abang branang ora diakoni.[2]

Cathetan sikil[besut | besut sumber]

  1. ^ a b c d e f Golden Retreiver(28 Agustus 2011)
  2. ^ a b c d e f Kennel(28 Agustus 2011)