Gedhang karamèl
 Praupané gedhang karamèl | |
| Jeneng liyané | Gedhang soklat, pisang coklat, piscok |
|---|---|
| Ajangan | Nyamikan |
| Panggonan asal | Indonésia |
| Hawa ajangan | anget lan adhem |
| Woworan pokok | Gedhang, kulit, gula |
| Variasi | Renyah lan mlempem |
 Buku masakan: Gedhang karamèl  Médhia: Gedhang karamèl | |
Gedhang karamèl utawa pisang coklat sing racaké sinebut piscok yaiku panganan kang adhedasar gedhang kang diwungkus karo kulit kriuk banjur digorèng lan diwenehi karamèl. Karamèl yaiku gula kang dipanasné nganti ndledek. Gedhang karamèl racaké didol mawa panganan pinggir dalan. Panganan iki dadi nyamikan amarga rasané legi lan krenyes-krenyes.
Cara nggawé
[besut | besut sumber]
Piranti sing dicepakaké
[besut | besut sumber]Kulit krispi
[besut | besut sumber]- Glepung gandum 200 gram
- Glepung beras 70 gram
- 3 putih endhog
- Uyah ½ sendhok tèh
- Mertèga 2 sendhok pangan
- Banyu putih 100 ml
Karamèl
[besut | besut sumber]- Gula pasir 100 gram
- Gula jawa 2 wiji utawa bisa uga gula arèn
Isèn-isèn
[besut | besut sumber]- 10 gedhang kepok utawa gedhang raja.
- Kèju parut
- Mèses
- Susu kenthel legi (bisa putih utawa soklat)
Cara ngolah
[besut | besut sumber]- Campur kabèh bahan kulit ing manci lan udhak-udhak nganggo irus nganti ora nggrenjel.
- Panasaké teplon lan suntak 1 irus ing teplon.
- Menawa uwis ½ mateng, prayogané dientas lan ora usah diwalik amarga mengko isih digorèng manèh.
- Menawa uwis rampung banjur ganti ngolah karamèl lan nganggo teplon sing padha.
- Campuraké bahan karamèl ing teplon lan panasaké nganti cuwèr.
- Iris gedhang dadi separo.
- Lebokaké gedhang ing ing jero kulit lan lebokake uga kèju, mèsis, susu kenthel legi utawa bahan liya sakarepmu.
- Lempit dadi lonjoran lan gorèng ing lenga panas.
- Èntèni nganti wèrnané soklat lan entas.
- Campuraké karamèl ing dhuwurè lan wolak-walik amrih bisa rata.
- Gedhang karamèl wis mateng lan bisa dipangan.
- Prayogané disimpèn ing wadhah katutup supaya ora gampang mlempem.