Gas désa
(Kaelih saka Gas desa)
Gas désa utawa Dekah désa utawa Sedekah bumi, iku upacara adat ing tlatah Blora lan uga ing tlatah padésan liyané[1], mligi ing Jawa Tengah, minangka wujud syukur marang Gusti. Upacara iki ditindakake sabubaré panèn. Lumrahé gas désa dianakake ing dina kang dianggep wetoné désa iku. Ing gas désa akèh ritual kang ditindakaké, kaya ta bancakan ing sendhang utawa sumur kang dianggep kramat warga désa, banjur dianakaké arak-arakan barongan mubeng désa. Bubar iku diterusaké pista rakyat kang bisa awujud dangdut, seni tayub, campursari, wayang, kethoprak lan sapanunggalané.