Gèthèk

Gethek

Gèthèk ya iku sijining rakitan barang kang sabanjuré bisa ngambang lan bisa ditumpangi ing banyu. Gèthèk dadi cikal bakalé prau, ya iku dadi wujud prau kang paling sedherhana ya iku barang kumambang kang bisa ditumpangi saéngga ora jelas aran lan pigunan-pigunan saka pérangané.

Umume gèthèk digawé saka barang-barang kang bisa ngambang banjur ditata lan ditalèni siji lan sijiné saéngga dadi amba lan ora njilem nalika ditumpaki, kaya ta kayu, drim, pring. Umumé gèthèk ora migunaké mesin.

Gèthèk ing tembang macapat

Tembang megatruh kang kawentar lan umumé dadi tuladha ing piwulangan, ya iku saka Babad Tanah Jawi anggitan Ki Yasadipura, nyaritakaké nalika Jaka Tingkir budhal menyang Pajang.

sigra milir sang gèthèk sinangga bajul

kawan dasa kang njagèni

ing ngarsa miwah ing pungkur

tanapi ing kanan kéring

kang gèthèk lampahnya alon