Foraminifera

Saka Wikipédia Jawa, bauwarna bébas abasa Jawa
Foraminifera
Kalamangsa: 600 Ma
Precambrian - Recent
Live Ammonia tepida.jpg
Live Ammonia tepida (Rotaliida)
Klasifikasi ngèlmiah
Dhomain: Eukaryota
Karajan: Rhizaria
Superfilum: Retaria
Filum: Foraminifera
d'Orbigny, 1826
Orders
Allogromiida
Carterinida
Fusulinida - extinct
Globigerinida
Involutinida - extinct
Lagenida
Miliolida
Silicoloculinida
Spirillinida
Textulariida
incertae sedis
   Xenophyophorea
   Reticulomyxa

Foraminifera utawi asring dipunwastani foram inggih punika salah satunggaling organisme sèl satunggal ingkang nggadhahi cangkang kalsit lan asring kawastanan rhizopoda (suku semu).[1] Foraminifera kalebet klompok ageng saking krajan protista kanthi pseudopodia.[2] Foraminifera mèmper kaliyan amoeba, nanging amoeba boten gadhah cangkang kados foraminifera kanggé ngayomi protoplasmanipun.[1] Cangkang utawi kerangka saking foraminifera saged dipundadosaken pitedah kanggé ngupadi sumber daya lenga, gas alam, kaliyan mineral ing salebeting bumi.[2] Cangkang foraminifera ngandhut kalsium karbonat (CaCO3).[3] Manawi foraminifera mati, cangkangipun lajeng mbentuk siti (tanah) globerina.[3] Siti punika ingkang fungsinipun dados pitedah wontenipun sumber lenga.[3] Foraminifera angsal panganan saking kasil fotosintesis alga ingkang nindakaken simbiosis wonten ing sangandhaping cangkang foraminifera.[3] Foraminifera padatanipun gesang wonten ing segara.[3]

Klasifikasi[besut | besut sumber]

Jinis-jinis foraminifera punika manéka werni. Foraminfera dipunklasifikasikaken miturut wangunipun cangkang kaliyan miturut caranipun gesang.[1]

Miturut wangun cangkang[besut | besut sumber]

Miturut wangun cangkangipun, foraminifera dipunpérang dados 3, inggih punika:

  • Arenaceous (Foraminifera ingkang cangkangipun pasiran).[1] Padatan dipuntemokaken ing dhaérah ekstrim, kadosta banyu payau utawi segara pérangan jero.[1] Dipunwastani pasiran amarga wangunipun permukaan cangkang ketingal kasar kados kepyuran gendhis pasir.[1]
  • Porcelaneous (Foraminifera ingkang cangkangipun gampingan tanpa pori).[1] Padatanipun gesang kanthi cara solitèr, inggih punika mblusukaken cangkangipun ing salebeting sedimèn, kejawi tutugipun (aperture) ingkang methungul ing permukaan sedimèn.[1]
  • Hyalin (Foraminifera ingkang cangkangipun gampingan wonten porinipun).[1] Foraminifera jinis punika nggadhahi variasi wangun cangkang ingkang kathah sanget, kadosta lampu kristal kanthi ornamen ingkang njlimet, bening, kaliyan kinclong.[1]

Miturut caranipun gesang[besut | besut sumber]

Miturut caranipun gesang, foraminifera dipunpérang dados 2, inggih punika:

Cathetan suku[besut | besut sumber]

  1. ^ a b c d e f g h i j k l Foraminifera(dipunundhuh 16 November 2012)
  2. ^ a b Hemleben, C.; Spindler, M.& Anderson, O.R. (1989). Modern Planktonic Foraminifera. Springer-Verlag. k. 363.  Cite nganggo paramèter lawas |coauthors= (pitulung)
  3. ^ a b c d e Karmana, Oman.2007.Cerdas Belajar Biologi.Bandung : Grafindo (kaca 72)