F-22 Raptor

Saka Wikipédia Jawa, bauwarna mardika basa Jawa
F-22 Raptor
F-22 ing pangkalan udara Langley.
 Tipe Montor mabur tempur siluman
 Produsen Lockheed Martin Aeronautics
Boeing Integrated Defense Systems
 Pisanan mabur 19 November 1990
 Dikenalaké 15 Dhésèmber 2005
 Status Aktif
 Pemakai Amérika Sarékat
 Rega satuan US$120 juta (2006)[1]
 Varian X-44 MANTA
FB-22

F-22 Raptor inggih punika montor miber tempur siluman damelanipun Amérika Sarékat.[1] Montor mabur punika wiwitanipun dipunrencanakaken kanggé montor mabur superioritasingkang badhé dipun-ginakaken kanggé ngadhepi montor mabur tempur saking Uni Soviet.[1] Montor mabur punika dipunrencanakaken dados montor mabur Amérika Sarékat ingkang paling canggih wonten ing abad kaping 21, amargi punika, montor mabur punika kalebet montor mabur ingkang paling awis reginipun, reginipun US$120 juta per unit, utawi US$361 juta per unit manawi dipuntambahaken kaliyan pengembanganipun.[1] F-22 versi prodhuksi wiwitanipun dipunkintun dhateng Pangkalan Udara Nellis, Nevada, ing tanggal 14 Januari 2003.[1] Pengetesan lan evaluasi pungkasan dipunlaksanakaken ing tanggal 27 Oktober 2004.[1] Wonten ing pungkasanipun taun 2004, sampun wonten 51 raptor ingkang dipunkintun.[1] Kadaden ancuripun versi prodhuksi wiwitanipun wonten nalika tanggal 20 Dhésèmber 2004 nalikanipun lepas landas, sang juru anggegana saged slamet sasampunipun eject saderengipun dhawah.[1] Investigasi dhawahipun montor mabur punika saged nyimpulaken bilih interupsi tenaga wekdal mejahaken mesin saderengipun lepas landas saged damel risakipun sistem kontrol.[2]

F-22 nalikanipun ndhawahaken bom

Sapunika montor mabur modern ing Kilen sampun ngginakaken piranti-piranti ingkang saged damel susah nalikanipun dipundheteksi déning radar, kados ngginakaken material penyerap radar.[3] F-22, ngginakaken material penyerap radar, sanèsipun punika wujudipun F-22 dipunrancang kanthi mirunggan, lan tliti.[3]

Cathetan suku[besut | besut sumber]

  1. a b c d e f g h "FY 2007 Budget Estimates." Angkatan Udara Amérika Sarékat. Juni 2011.
  2. F-22 Raptor Flight Test(dipunundhuh tanggal 14 Juni 2011)
  3. a b Juni|accessyear=2011|publisher=globalsecurity.org[pranala mati permanèn](dipunundhuh tanggal 11 Juni 2011)

Pranala njawi[besut | besut sumber]