Emma Watson

Saka Wikipédia Jawa, bauwarna bébas abasa Jawa
Emma Watson
Emma Watson GoF Premiere Crop.jpg
Lair Emma Charlotte Duerre Watson
(1990-04-15) 15 April 1990 (umur 27)
Paris, Prancis
Pakaryan Aktris, modhèl
Taun aktif wiwit 2001

Emma Charlotte Duerre Watson (lair ing Paris, Prancis, 15 April 1990; umur 27 taun) inggih punika salah satunggalipun aktris saking nagari Inggris ingkang dados paraga Hermione Granger wonten ing filem Harry Potter.[1] Emma Watson punika putranipun pasangan pengacara Chris lan Jacqueline ingkang sapunika sampun pegatan.[2] Watson gadhah satunggal rayi jaler ingkang naminipun Alex.[2] Watson manggèn kaliyan ibunipun, lan rayinipun Alex Watson manggèn kaliyan ramanipun.[2]

Watson nelasaken wekdal nalika alit ing kitha Paris, Prancis, Oxford, Inggris.[2] Nalika taksih sekolah Watson ndhèrèk Dragon School, satunggalipun sekolah swasta. Watson sekolah ing sekolah punika ngantos dumugi wulan Juni 2003.[2]

Sadèrèngipun main filem Harry Potter, sajatosipun Emma Watson dèrèng gadhah pengalaman ingkang kathah bab akting.[2] Sasanèsipun sekolah, Watson gadhah aktivitas nyerat puisi utawi geguritan. Watson naté ndhèrèk lomba nyerat puisi lan dados jawaranipun.[2]

Emma punika satunggalipun priyantun èstri ingkang gadhah sipat blabah lan pinter.[2]

Karir[besut | besut sumber]

Watson taksih maringi tapak asma dhumateng fans ing njawinipun gedhong Grauman's Chinese Theatre, 2007

Karir Watson ingkang sepisanan inggih punika dados laré ingkang wonten ing griya sakit Norwich ing filem kanthi irah-irahan Knowing Me, Knowing Yule.[2] Emma miwiti akting minangka Harmonie Granger ing filem Harry Potter lan Sorcerer's Stone ing taun 2001.[2] Aktingipun saged narik kawigatosanipun tiyang kathah. Salajengipun Watson main malih ing filem Harry Potter ingkang salajengipun.[2]

Cathetan suku[besut | besut sumber]

  1. ^ Emma Watson dipunundhuh tanggal 7 Juli 2011)
  2. ^ a b c d e f g h i j k Emma Watson dipunundhuh tanggal 7 Juli 2011)

Pranala njawi[besut | besut sumber]

Emma Watson: Cinta Pertamaku Adalah Tom Felton