Dian Khrisna

Dian Khrisna
Pakaryan	pemaca pawarta
Taun aktif	2003 - saiki

Dian Khrisna lair ing Jakarta, 26 Novèmber 1977; umur 47 taun) ya iku Putri Indonésia taun 2003, dhèwèké olèh bebungah dadi Putri Indonésia sawisé ngalahaké 35 kontèstan saka kabèh laladan ing Indonésia. Dhèwèké iku wanita kang olèh gelar Putri Indonésia 2003. Dian Khrisna dinobataké sawisé bisa ngalahaké kurang luwih telung puluh kontèstan saka kabèh laladan ing Indonésia, ing kana dhèwèké dadi wakil saka DKI Jakarta.

Lair ing Jakarta, 26 November 1977, Dian sadurungé tau nyambut gawé ing Prompt Marketing Research lan dadi réporter ing acara Sportivo ing TransTV. Nyusul sawisé iku ing taun 2003, Dian nglakoni programming supervisor ing MetroTV lan sawisé iku dhèwèké pindhah ing pérangan Hubungan Masarakat MetroTV. Ing taun 2005, dhèwèké uga tau metu dadi pamaca ing stasiun télévisi MetroTV.

Dian kang uga anggota Miss Indonésia Club iki tau nglakoni sekolah babagan komunikasi lan psikologi ing Lewis & Clark College ing Oregon, Amérikah Sarékat. Ora mung iku, dhèwèké uga tau sekolah ing babagan komunikasi massa ing Royal Melbourne Institute of Technology ing Melbourne, Australia. Ing papan iku mau dhèwèké uga olèh gelar Master of Arts (MSc).

Ing taun 2004, ing sela-sela acara pamilihan Putri Indonésia 2004 ing Jakarta Convention Center, dhèwèké ngomong manawa kepénginan saben wong iku ora padha. Dhèwèké kang bakalé nyerahaké makuthané marang Putri Indonésia 2004 iku nanggapi pitakonan saka wartawan babagan pénginé mengko sawisé ora dadi Putri Indonésia. Makuthané iku bakal disrahaké marang Artika Sari Devi, wanita saka Provinsi Bangka Belitung kang kapilih dadi Putri Indonésia 2004. Dian ngaku ora bakal nerusaké pagawéyané manèh ing donya hiburan, kaya ta para mantan Putri Indonésia sadurungé. Kaya ta Shanty Manuhutu, Putri Indonésia 1995, kang tau dadi presenter télévisi lan paraga ing sinétron, nalika iki dhèwèké dadi manajer komunikasi perusahaan Conoco Phillips. Sing dadi pepénginané iku dhèwèké péngin duwé perusahaan dhéwé.