Menyang kontèn

Dharma Oratmangun

Saka Wikipédia Jawa, bauwarna mardika basa Jawa
Dharma Oratmangun
Dharma Oratmangun
Latar wuri
Lair (1959-04-30) April 30, 1959 (umur 65)
Indhonésia Manado, Indonésia
Taun aktif ?-saiki

Dharma Oratmangun (lair ing Manado, 30 April 1959; umur 65 taun). Dhèwèké iku penyanyi, pangripta tembang, lan prodhuser musik saka Indonésia. Dharma Oratmangun tau olèh bebungah dadi Juwara I Fèstival Musik Pop Indonésia.[1]

Dharma iku garwané Frida Yulia, lan wis momong anak telu kang dijenengi Gitari, Duan, lan Melodi.[1]

Dhèwèké saiki njabat dadi Ketua Umum Persatuan Artis Pencipta Lagu lan Penata Musik Rekaman Indonésia (PAPPRI) période taun 2007-2011.[1] Iki kaping loroné dhèwèké njabat dadi Ketua PAPPRI, ning période sadurungé dhèwèké uga olèh kapercayan kanggo nyekel kalungguhan iku mau.[1]

Ing sasi Fèbruari 2007, Dharma dipriksa déning Kejati Maluku babagan ana praduga korupsi APBD ing MTB taun 2003-2006.[1] Sadurungé, bapané kang uga mantan Bupati Maluku Tenggara Barat (MTB), SJ Oratmangun uga wis tau dipriksa.[1]

Sasi Oktober 2007, Dharma dadi prodhuser uga dadi salah sijining penyanyi ing album perdhanané Présidhèn R.I, Susilo Bambang Yudhoyono.[1]

Wis nganti rong dasawarsa iki arang banget ana istilah fèstival lagu pop lan babagan iku mau ing taun 2010 diadani Indonésian Song Festival.[2] Gagasan dhasaré, ngembangaké genre musik ing Indonésia lan kanggo golèk bakat-bakat anyar kanggo wakil saka Indonésia ing ajang fèstival internasional.[2] Ditemoni ing FX Center, Jakarta, dina Senèn tanggal 15 Maret 2010, Dharma Oratmangun kang njabat dadi ketua umum njlèntrèhaké.[2] Dharma uga nambahaké manawa tujuwan ajang iki ditindakaké iku kanggo golèk genre anyar ing donya musik pop kang wis nyampur karo kabudayan ing Indonésia.[2]

Mbiyèné, ajang fèstival kaya iku wis nglairaké jeneng-jeneng kondhang kaya ta Broery, Vina Panduwinata, lan Harvey Malaiholo. Kuwi mau kang diarepaké saka pagelaran Indonésian Song Festival.[2] Émané manawa wis sangalas taun gagasan kang kaya iku mau ora tau dilakokaké déning Dharma Oratmangun, mula dhèwèké yakin manawa gagasan mau bakal gawé indhustri musik ing Indonésia ramé.[2]

Cathetan sikil[besut | besut sumber]

  1. a b c d e f g biografi Dharma Oratmangun diundhuh tanggal 24 September 2011
  2. a b c d e f berita Dharma Oratmangun diundhuh tanggal 24 September 2011