Cut Tari
| Cut Tari | |
|---|---|
| Lair | Cut Tari Aminah Anasya Novèmber 1, 1977 Jakarta, Indonesia |
| Bangsa | Indonesia |
| Pakaryan | |
| Dhuwur | 162 cm (5 ft 4 in) |
| Bojo | Johannes Yusuf Subrata (o. 2004–14) Richard Kevin (o. 2019) |
| Anak | 1 |
| Wong tuwa | Teuku Joeransjah |
Cut Tari Aminah Anasya, biyasa diundang Cut Tari (lair ing Jakarta, 1 Novèmber 1977; umur 47 taun) iku panatacara lan juru main sinétron Indonesia.[1] Tari isih ana keturunan Acéh saka wong tuwané.[1] Cut Tari lair nalika tanggal 1 November 1977.[1] Dhèwèké anak nomer telu saka dulur kang cacahé papat.[1] Bapaké jenengé Teuku Joesransjah.[1] Cut Tari lulusan saka Stamford College, Jakarta.[1] Cut Tari nikah karo Johannes Yusuf Subrata nalika tanggal 9 Januari 2004.[1] Sawisé telung taun, Cut Tari nglairaké anaké kang sepisanan, tanggal 10 Oktober 2007 Anake Cut Tari kang sepisanan jenéngé Sidney Azkassyah Yusuf.[1]
Biografi
[besut | besut sumber]Cut Tari kang duwé keturunan Acéh - Sumatera Kulon iki wis nduwé prestasi wiwit isih sekolah ing SD.[1] Cut Tari dadi juwara Musabaqoh Tilawatil Quran (MTQ) tingkat RW.[1] Cut Tari uga tau sinau piano lan organ, nanging mandheg ing tengah dalan lan ora diterusaké.[1] Nalika umuré 13 Taun, wong wadon kang biyasa diundang Ully iki dadi seneng foto-foto ing nganggo kodhak.[1] Wiwit cilik, Cut Tari pancen seneng dipoto.[1] Kariré dadi artis, kawiwitan nalika Cut Tari mèlu pamilihan Gadis Sampul 1991.[1] Saka lomba iki Cut Tari bisa dadi bintang ing pariwara prodhuk kosmetik, nalika taun 1993.[1] Nalika iku umuré Cut Tari wis 16 taun.[1]
Cut Tari diajak main sinétron karo Harry De Fretes, banjur dadi bintang tamu ing sinétron komedi Dongèng Langit.[1] Sawisé iku Cut Tari banjur éntuk tawaran kanggo main ing sinétron Sisi-Sisi Dunia (1993), Cut Tari uga dadi peran pembantu.[1] Nanging saiki wis akèh sinétron kang dibintangi Cut Tari kaya ta Perjalanan, Melati, Doaku Harapanku, Kafe Biru, Dewi Fortuna Tersanjung lan Rosalinda.[1] Nganti saiki Cut Tari rada bosen dadi peran antagonis kang kerep diperanaké ing sinétron.[1] Saliyané dadi bintang filem, Cut Tari uga dadi panatacara ing televisi.
Skandal
[besut | besut sumber]Ing pertengahan taun 2010, Cut Tari kena kasus video porno karo Ariel Peterpan.[2] Video kang isiné adegan mesum iki kasebar ing internét.[2] Amarga kasus iki, Cut Tari banjur putus kontrak dadi presenter ing Infotainment Insert kang disiyarake ing Trans TV.[2] Kawitane Cut Tari ora ngakoni yèn artis kang ana ing video mesum iku dhèwèké nanging pungkasané Cut Tari nangis lan ngakoni kabéh kang dilakoni ing video karo Ariel.[3] Berita ngenani skandal Ariel lan Cut Tari iku ora mung kasiyaraké ing Indonésia nanging uga ing koran - koran ing mancanegara.[4]
Cathetan suku
[besut | besut sumber]- ↑ a b c d e f g h i j k l m n o p q r s t Cut Tari KapanLagi.com (dipunundhuh tanggal 7 Juli 2011)
- ↑ a b c Cut Tari Resmi Dipecat 'Insert' detikhot.com Archived 2010-06-15 at the Wayback Machine. (dipunundhuh tanggal 7 Juli 2011)
- ↑ Cut Tari Akui Sebagai Pelaku Video Mesum vivanews.com Archived 2010-08-14 at the Wayback Machine.(dipunundhuh tanggal 7 Juli 2011)
- ↑ Berita Kasus Video Porno Ariel Masuk Koran Inggris egosip.com Archived 2023-06-07 at the Wayback Machine.(dipunundhuh tanggal 7 Juli 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |