Chen Jeu Sioe
Chen Jeu Sioe, yaiku guru, pambesut, pangarsa rédaksi Xunhuan Ribao, Jingji Daobao, lan Zhengwu Bao. Lahir ing Méi Hsien, Kwangtung (1901). Ing 1914 dhèwèké lelayaran menyang Bangkok, Thailand. Banjur bali menyang Tiongkok lan njupuk jurusan Kimia ing Tung Wu University. Dhèwèké uga lelayaran menyang Jawa lan ngajar ing THNK Batavia, nyambi dadi pambesut ing dinan Sin Po.[1]
Ing wayah taun 1914, Chen Jeu Sioe, lelayar menyang Bangkok, Thailand, banjur njupuk pawiyatan ing Ching Te Hsueh Hsiao. Sawisé lulus, dhèwèké dadi guru ing kana. Banjur, dhèwèké bali menyang Tiongkok, lan njupuk pawiyatan ing Tung Wu University jurusan Kimia. Taun 1926, lelayaran menyang Jawa (Jawa Kulon), uga nyambi dadi pambesut ariwarti Sin Po.
(1933) dikongkon Sin Po lunga menyang Shanghai, dinggo ngabari babagan pekan olahraga ing kono. Dhèwèké kober manggon ing Hongkong lan dadi koresponden ariwarti Sin Po. Ing 1935, Chen Jeu Sioe mulang ing Chung San University ing Guangzhou. Wayah perang Jepang-Tiongkok, dhèwèké ngalih menyang Hongkong (1937). Wayah Hongkong dipanggon Jepang, dhèwèké mulang ing Kwang Ie School ing Mei Hsien. Dhèwèké njabat dadi redaktur ing akeh panggon. Central Daily ing Chungyang, Quilim Chungking, Kunming. Sawise perang, dhèwèké bali menyang Guangzhou.
Ing taun 1947, dhèwèké nglumaksanake bisnis ing Bangkok lan Singapura. Chen Jeu Sioe mulang ing sekolah Pa Chung, Jakarta (1949). Agustus 1951, dhèwèké dicekel pemerèntah 3 wulan suwéneé, banjur dadi pambesut Sin Po bahasa Tionghoa.
Chen Jeu Sioe, bali menyang Tiongkok. Ora suwé ngalih menèh menyang Hongkong, dadi pangarsa redaksi Xunhuan Ribao, Jingji Daobao, lan Zhengwu Bao (1959).
Pawiyatan[besut | besut sumber]
- Ching Te Hsueh Hsiao
- Jurusan Kimia Tung Wu University
Kapustakan[besut | besut sumber]
- ↑ Setyautama, Sam (2008). Tokoh-Tokoh Etnis tionghoa di Indonesia. Jakarta: Kepustakaan Populer Gramedia lan Chen Xingchu Foundation. kc. 33. ISBN 978-979-91-0126-6.