Candhi Sanggariti
Candhi Sanggariti utawa Songgoriti ya iku salah sawijing candhi kang ana ing Kutha Batu, Jawa Timur, Indonésia. Candhi iki ana ing sacedhaké sumber banyu panas. Candhi iki diyasa sakiwa-tengené pungkasan abad ke-8 Maséhi. Candhi ini dipugar taun 1936 déning Walanda, nanging ana kesalahan posisi ing kepala ing sikil lan apiké lan akhiré dadi puing.
Candhi iki ditemokaké déning arkeolog Walanda kang jenengé Van I Isseldijk taun 1799 M, lan pelaksanaan renovasiné dilakokaké déning arkeolog Walanda liyané ya iku Rigg taun 1849 M lan Brumund ing taun 1863 M. Tahun 1902 M, Knebel nginventarisasi situs Candhi Songgoriti lan diterusaké kanthi rénovasi gedhén taun 1921 M. Renovasi terakhir dilaksanakaké ing taun 1938[1].
Arsitèktur
[besut | besut sumber]Didelok saka arsitèkturé kang prasaja, Candhi Sanggariti digolongaké candhi tuwa dhéwé ing Jawa Timur lan duwé rerenggan langgam Jawa Tengah. Wewangunan sisih candhi kang isih ana (Wetan, lotr lan kulon) duwé cerukan kanggo papan reca. Relung pérangan wétan ya iku papan kanggo reca Ganesha, kang recané kari sapérangan, ya iku pérangan weteng dan sikil. Relung pérangan lor recané wus ilang, lan relung pérangan kulon, recané wus ora nempel ing relung, nanging isih ana ing sakiwa tengen candhi. Reca iki ya iku reca Agastya, yèn ing agama Hindhu ya iku saka 7 pandhita kang nyebaraké agama Hindhu ing Asia Tenggara lan Jawa[2].
Pranala njaba
[besut | besut sumber]Cathetan suku
[besut | besut sumber]- ↑ www.pesonamalangraya.com : Candhi Songgoriti; Satu-satunya Candhi di Kota Batu Archived 2012-01-10 at the Wayback Machine. (diunduh tanggal 18 Oktober 2012)
- ↑ www.navigasi.net : Artikel: Budaya - Candhi Songgoriti (diunduh tanggal 18 Oktober 2012)