Billy Boyd

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Billy Boyd
Billy Boyd.jpg
Billy Boyd
Asma wiyosan Billy Boyd
Miyos (1968-08-28) Agustus 28, 1968 (umur 50)
Karajan Manunggal Glasgow
Taun aktif 1998-sapunika

Billy Boyd (lair ing Glasgow, Sekotlan, 28 Agustus 1968; umur 50 taun) inggih punika aktor saking Sekotlan.[1] Panjenenganipun miyos saking pasangan William lan Mary Boyd, ingkang sampun tilar donya nalika Boyd taksih rumaja.[2] Panjenenganipun ageng kaliyan sadhèrèkipun, Margaret, kaliyan éyangipun. Ing taun 1984, nalika Boyd nembé yuswa enem welas taun, Boyd nyambut damel ing perusahaan musik lokal Teater Guild.[1]

Karir[besut | besut sumber]

Sadèrèngipun miwiti karir ing jagad akting, Boyd nyambut damel minangka panjilid buku ngantos pitung taun dangunipun, lan salah satunggalipun buku punika inggih punika buku The Lord of The Rings ingkang ing wekdal salajengipun saged ndadosaken panjenenganipun dados artis ingkang misuwur.[1]

Sasanèsipun dados aktor filem, panjenenganipun ugi dados paraga téater.[1] Panjenenganipun sampun maragakaken pinten-pinten drama, ing antawisipun San Diego and The Ballad of Crazy Paola.[1] Sasanèsipun dados aktor, Boyd ugi dados musisi gitaris, bassis, lan drummer.[1] Panjenenganipun ugi nyerat tembang kanthi irah-irahan The Edge of Night wonten ing filem The Lord of The Rings: The Return of The King ingkang dipunsutradarani Peter Jackson.[1] Billy Boyd ugi naté dados paraga Glen ing filem Multiple Personality Disordered Son of Chucky, lan dados Tiffany wonten ing filem Seed of Chucky ing taun 2004.[1] Boyd ugi dados paraga Davie ing filem Sunshine of Leith.[1] Ing taun 2011 punika, Boyd dados main ing filem The Lion Inside.[1] Ing jagad musik, Billy Boyd naté damel grup band ingkang naminipun Beecake.[1] Band kasebat naté pikantuk bebingah VisitScotland kanthi mlebet kategori Best Live Act ing adicara penghargaan musik Tartan Clef.[1]

Cathetan suku[besut | besut sumber]

  1. a b c d e f g h i j k l Billy Boyd dipunundhuh tanggal 21 September 2011)
  2. Spencer, Liese (2005-08-14). "Boyd Up". Scotsman.com. Dijupuk 2007-06-04. 


Pranala njawi[besut | besut sumber]