Atiqah Hasiholan

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Atiqah Hasiholan
Atiqah Hasiholan, All New Sienta, 05.19.jpg
Pakaryanaktris
Wong tuwaAchmad Fahmy Alhady (bapak)
Ratna Sarumpaet (ibu)

Atiqah Hasiholan (lair ing Jakarta, 3 Januari 1982; umur 37 taun) ya iku paraga saka Indonésia, anak saka pasangan Achmad Fahmy Alhady lan aktivis lan seniman, Ratna Sarumpaet.[1] Darah seni kang dinduwèni saka ibuné, Ratna Sarumpaet ndadèkaké Atiqah marisi bakat akting saka ibuné.[1] Sanadyan kaya mangkono, dhèwèké iku artis kang ora setengah-setengah anggoné nglakoni observasi kanggo nyinaoni karakter kang dimainake.[1]

Atiqah iku pacare aktor Rio Dewanto.[2] Manawa dhèwèké éntuk tawaran kanggo dadi paraga, dhèwèké asring rembugan karo pacare.[2] Dhèwèké karo pacaré padha-padha rembugan babagan akting.[2] Dhèwèké tau dikabaraké nduwé gayutan kang raket karo artis Surya Saputra kang saiki isih dadi bojoné personel AB Three, Cynthia Lamusu.[1]

Akting bintang filem Pintu Terlarang iki wiwit katon nalika dhèwèké mainaké peran ing filem kang irah-irahané Berbagi Suami ing taun 2006.[1] Ing taun 2007 dhèwèké uga dadi paraga ing filem sekuel horor kang irah-irahané Suster N arahan sutradara Viva Westi.[1] Ing filemé kang paling anyar, dhèwèké bakal dadi paraga ning filem kang judhulé Arisan 2. Ing filem iku Atiqah lan Rio memang mainaké peran bebarengan.[2] Ning filem mau dhèwèké meragakaké sosialita.[2]

Awit tanggal 3 November 2010, Atiqah resmi nyandang gelar dadi Bintang Lux sing anyar.[1] Predikat iki bakal dadi awal karir Atiqah minangka modhel iklan nggantekaké Luna Maya, bintang Lux sadurungé kang dibatalaké kontrak amarga nduwé kasus babagan filem pornografi.[1] Saliyané iku, Atiqah uga éntuk bebungah kaping pindho, ya iku minangka Ingkang maragani Utama Wanita paling apik ing Festival Film Indonesia ing taun 2009 kanthi filem Ruma Maida lan minangka Ingkang maragani Pendukung Wanita paling apik ing Festival Film Indonesia taun 2011 kanthi filem kang irah-irahane The Mirror never Lies.

Filmografi[besut | besut sumber]

  • Berbagi Suami (2006)
  • Suster N (2007)
  • Cinta Setaman (2008)
  • Pintu Terlarang (2009)
  • Jamila Dan Sang Présidhèn (2009)
  • Ruma Maida (2009)
  • Mafia Insyaf (2010)
  • Darah Garuda (2010)
  • The Mirror Never Lies (2011)
  • Arisan! 2 (2011)

Cathetan suku[besut | besut sumber]

  1. a b c d e f g h biografi Atiqah Hasiholan dipununduh tanggal 16 September 2011
  2. a b c d e berita Atiqah Hasiholan dipununduh tanggal 16 September 2011