Andi Asryil Rahman
| Andi Arsyil Rahman | |
|---|---|
 | |
| Lair | Andi Arsyil Rahman Putra |
| Pakaryan | Aktor, Entrepreneur, Motivator Muslim, Penulis, Penyanyi |
| Taun aktif | 2009 - saiki |
Andi Arsyil Rahman Putra (lair ing Makassar, Sulawesi Kidul, 15 Sèptèmber 1987; umur 37 taun) ya iku aktor saka Indonésia. Dhèwèké iku anak kaping pitu, putra pasangan Prof.Dr.Ir.H.Andi Rahman Mappangaja M.S lan Ir.Yusnidar Yusuf.[1] Dhèwèké iku Mahasiswa ing STIMIK Diponagara, uga Duta Pariwisata Kutha Makassar.[1]
Ing jam-jam kosong kasibukané, dhèwèké nyoba mainaké paraga dadi tokoh Furqon ing audhisi kanggo filem Ketika Cinta Bertasbih.[1] Ora muspra, sawisé mèlu selèksi kang ora gampang, dhèwèké akiré bisa kapilih déning tim juri kanggo meranaké paraga kanggo filem iku.[1]
Padha kaya papat paraga tokoh baku liyané kang njupuk saka audhisi, Andi Arsyil uga duwé prèstasi akèh kang bisa dadi tetimbanganné para juri.[1] Bebungah kang tau ditampa déning Andi Arsyil ya iku kaya ta Juwara kaping 3 ing Lomba Fisika The Most Creative Student, Juwara kaping pisan Wajah IT, Juwara kaping pisan Duta Kawasaki, nalika taun 2007, Busana Paling Apik ka-2 ing Lomba Busana Adat tingkat Nasional ing TMII, Juwara kaping pisan ing Pamilihan Dara & Daeng, nalika taun 2008, Juwara kaping loro ing Pamilihan Modhèl Makassar Terkini, uga Duta Pariwisata Kutha Makassar Sulawesi Kidul.[1]
Ora mung iku, Andi Arsyil uga disibukaké dadi bintang filem lan sinétron sarta dadi modhèl vidhéo klip.[2]
Ing taun 2011, Andi Arsyil ngrilis riptaané kang paling anyar, bukuné dirilis ing panggung Utama Pista Buku Jakarta (Jakarta Book Fair), Senayan, Jakarta.[2] Bukuné iku mbahas babagan makna kauripan kanthi cara filosofis kang ora patiya meksa, sakaliyan njupuk refrensi scientific kanggo mbuktèkaké kaajaiban manungsa.[2] Dhèwèké njupuk jurusan Sains (Ilmu Fisika) ing pawiyatan luhur.[2]
Filmografi
[besut | besut sumber]Sinétron
[besut | besut sumber]- Ketika Cinta Bertasbih Spesial Ramadhan
- Ketika Cinta Bertasbih Meraih Ridho Ilahi
- Ketika Cinta Bertasbih Dari Sujud Ke Sujud
Cathetan sikil
[besut | besut sumber]
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |