Al-Idrisi

Saka Wikipédia, bauwarna bébas basa Jawa
Globe Emas déning Al-Idrisi

Al-Idrisi ya iku wong kang wiwitan gawé globe.[1] Jeneng jangkepé ya iku Abu Abdullah Muhammad Ibn Muhammad Ibn Abdullah In Idris Ash-Sharif, nanging jeneng kang biyasa digunakaké ya iku Asy-Syarif Al-Idrisi Al-Qurtui.[1] Wong Kulon biyasané nyebut kanthi aran Dresses.[1] Al-Idrisi lair ing Ceuta, Spanyol, taun 1099.[1]

Al-Idrisi sekolah ana ing Cordova utamané ing babagan géografi.[1] Nalika iku, wis akèh para ahli géografi kang gawé péta donya nanging péta mau ora luwih apik tinimbang péta gawéané Al-Idrisi.[1] Karya-karya Al-Idrisi akèh maparaké data kang bisa dipercaya déning masarakat.[1] Iki kang ndadèkaké dhèwèké dilirik déning kalangan navigator laut Éropah, sarta kalangan militèr.[1] Wong-wong kang gandrung karo keahliané Al-Idrisi ya iku Raja Roger 11, Raja Sicilia keturunan Normandia taun 1129-1140. Dhèwèké njaluk tulung karo Al-Idrisi supaya digawèkaké péta donya kang anyar.[1] Al-Idrisi nyanggupi panjalukané mau kanthi sarat ya iku nglebokaké Sicilia minangka kakuwasan kaum muslim sadurungé raja Roger kang dadi panguwasané.[1] Pungkasané, péta pesenan raja mau bisa diwujudaké kanthi wangun bal donya utawa globe.[2] Globe mau digawé kanthi bahan perak kang aboté 400 gram.[2] Ing globe mau, Al-Idrisi uga mènèhi pitung bawana kang jangkep kanthi rute-rute dagangan, tlaga-tlaga, lan kali, kutha-kutha gedhé, dharatan, sarta pagunungan.[2]

Al-Adrisi ninggal taun 1166 M.[3]

Cathetan sikil[besut | besut sumber]

  1. ^ a b c d e f g h i j (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 34]
  2. ^ a b c (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 35]
  3. ^ (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 36]
Sumber artikel punika saking kaca situs web: "https://jv.wikipedia.org/w/index.php?title=Al-Idrisi&oldid=997232"