Alèrgi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Gatel-gatel amarga alergi

Alèrgi ya iku lelara kang disebabaké ora cocoging awak karo lingkungan utawa panganan kang dipangan. Kayadéné alèrgi marang panganan saka iwak segara utawa janganan tartamtu kang ndadèkaké anané rasa gatel-gatel, aboh, muntah-muntah, utawa watuk.[1] Awak nganakaké réaksi luwih-luwih marang lingkungan utawa bahan-bahan kang déning awak kaanggep asing lan mbebayani, kamangka sejatiné ora kanggo wong kang ora asipat atopik. Bahan-bahan kang ndadèkaké hipersensitivitas iku diarani alèrgen. Kang nyebabaké alèrgi ya iku prodhuksi antibodi jinis IgE.[2]

Pancegahan[sunting | besut sumber]

Supaya ora alèrgi, kudu migatèkaké:

  • Jaga karesikan lingkungan, ing jero omah utawa ing njaba omah. Aja seneng numpuk akeh barang kang ana ing sajroning omah utawa kamar kang bisa ndadekake sarang numpuke abluk minangka rangsangan bakalane reaksi alergi. Usahakake aja ngopeni kewan ing jero omah utawa nyelehake kandhang kewan ing sakupenge omah.[3]
  • Aja nganggo wangen-wangen ruwangan, obat nyamuk. Yen ing omah akeh lemud, nganggo raket antilemud.
  • Nganggoa bantal lan kasur kang digawé saka busa, dudu saka kapuk.
  • Ganti sprei seminggu pisan, lan dikumbah nganggo banyu anget.
  • Aja nganggo klambi saka bahan wol, anggoa klambi saka bahan katun.
  • Konsultasi ing dhokter spesialis alergi.

Cathetan Sikil[sunting | besut sumber]

  1. ^ (id)Lembaga Penelitian Pengembangan dan Pemberdayaan Lingkungan. 2000. Pemanfaatan Tumbuh-Tumbuhan Alami Untuk Keséhatan dan Pengobatan Alternatif. Jawa Tengah: Jaya Madani
  2. ^ (en)Bope, Edward T.; Rakel, Robert E. 2005. Conn's Current Therapy 2005. Philadelphia, PA: W.B. Saunders Company. p. 880. ISBN 0-7216-3864-3.
  3. ^ (id) "Kenali Alergi Kulit pada Anak"


Sumber artikel punika saking kaca situs web: "https://jv.wikipedia.org/w/index.php?title=Alèrgi&oldid=1000129"