Adityawarman

Saka Wikipédia, bauwarna bébas basa Jawa
Patung Adityawarman

Adityawarman punika tokoh ingkang kalebet pawaris Dinasti Mauli ingkang dados panguwaosipun Karajan Melayu ingkang nalika semanten punjeripun ing Kutha Dharmasraya, lan saking manuskrip pangukuhanipun panjenenganipun dados panguwaosipun Malayapura utawi Kanakamedini ing warsa 1347 kanthi gelar Maharajadiraja Srīmat Srī Udayādityawarma Pratāpaparākrama Rājendra Maulimāli Warmadewa, ingkang salajengipun punjering karajan punika gantos dhateng pedalaman (Minang).[1]

Asal-usulipun[besut | besut sumber]

Adhedhasar Prasasti Kuburajo, Adityawarman inggih punika putranipun Adwayawarman.[2] Sanèsipun punika, saking Prasasti Bukit Gombak dipunpratélakaken bilih Adityawarman punika putranipun Adwayadwaja.[3] Asma ramanipun Adityawarman punika meh sami kaliyan satunggalipun punggawa (pejabat) ing Karajan Singhasari (Rakryān Mahāmantri Dyah Adwayabrahma) ingkang nalika warsa 1286 ngater Arca Amoghapasa kangge dipundamel (kanthi dipuntatah) ing Dharmasraya minangka hadiyah saking Kertanagara raja Singhasari dhumateng Srimat Tribhuwanaraja Mauli Warmadewa raja Melayu.[3]

Wonten ing kitab Pararaton lan Kidung Panji Wijayakrama dipunsebataken kanthi asma Gusti Janaka ingkang gelaripun Mantrolot Warmadewa.[4] Ibunipun nggadhahi asma Dara Jingga putri Karajan Melayu ing Dharmasraya.[4] Dara Jingga kaliyan rayinipun, Dara Petak, ndhèrèk kaliyan tim ekspedisi Pamalayu ingkang kondur dhateng Jawa ing taun 1293.[4] Ahli waris Kertanagara ingkang asmanipun Raden Wijaya mendhet Dara Petak minangka permaisurinipun lan bilih Dara Jingga sira alaki dewa, nggadhahi garwa satunggalipun "dewa" (bangsawan).[4]

Cathetan Suku[besut | besut sumber]

  1. ^ (nl)[Kern, J.H.C., (1907), De wij-inscriptie op het Amoghapāça-beeld van Padang Candhi(Batang Hari-districten); 1269 Çaka, Tijdschrift voor Indische Taal-, Land-, en Volkenkunde.]
  2. ^ (nl)[Kern, J.H.C., (1913), Grafsteenopschrift van Koeboer Radja, Bijdragen tot de Taal-, Land- en Volkenkunde van Nederlands-Indië, p. 401–404.]
  3. ^ a b (id)[Djafar, Hasan, (1992), Prasasti-Prasasti Masa Kerajaan Melayu Kuno dan Permasalahannya, Seminar Sejarah Melayu Kuno, Jambi, 7-8 Desember 1992. Jambi: Pamaréntah Laladan Tingkat I Jambi bekerjasama dengan Kantor Wewengkon Departemen Pendidikan dan Kebudayaan Jambi.]
  4. ^ a b c d (id)[Mangkudimedja, R.M., (1979), Serat Pararaton. Alih aksara lan alih basa Hardjana HP. Jakarta, Departemen P dan K, Proyek Penerbitan Buku Sastra Indonésia dan Laladan.]

Pranala Njawi[besut | besut sumber]

Logo Wikimedia Commons
Pirsani galeri bab Adityawarman ing Wikimedia Commons.


Sumber artikel punika saking kaca situs web: "https://jv.wikipedia.org/w/index.php?title=Adityawarman&oldid=1060660"