Tiramisu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambar Tiramisu

Tiramisù (Tiramesù) yaiku roti keju kang diwur-wuri bubuk kakao ing dhuwure.[1] Roti kuwi dadi panganan trakhir kang dipangan karo sendok, saengga kelebu panganan "al cucchiaio" (karo sendok) Roti iki ora digawe saka adonan lan ora dipanggang.[1] Bahan kanggo nggawe yaiku biskuit kang wis dikum ing banyu kopi lan keju mascarpone.[2][1] Biskuit disusun lan dilapisi karo krim kocok sadurunge diademake ing njero lemari es supaya wujude roti ora remuk rikala disugatake.[2][1] Sing dadi tandharoti iki yaiku tekstur roti kang lembut karo rasa kopi lan keju kang kuat.[2] Biskuit kang diarani biskuit Savoiardi, endhog pitik, gula, kopi lan bubuk kakao kuwi bahan utama kanggo resep tiramisu asli.[2] Miturut resep asline, roti iki wujude bunder lan ora dicampuri ombenan kang ngandhut alkohol kaya dene rum, anggur, Marsaka utawa konyak amerga pisanane digawe kanggo bocah cilik lan wong tuwa.[2][3]

Sajarah[sunting | sunting sumber]

Asal-usul lan panggawe tiramisu kereb dadi bahan padudon, nanging dikira-kira dadi roti panemuan kang anyar.[3] Tiramisu ora kasebut ing njero literatur kuliner nganti tahun 1983.[3] Ana ing buku La marca gastronomica kang diterbitake tahun 1998, Fernando lan Tina Raris nulis yen Tiramisu kuwi roti panemuan anyar.[3] Senajan kaya ngono, wong kaloron kuwi ngarani yen resep tiramisu arep padha karo resep roti sugatan pungkasan kang ana ing buku masak Yunani.[4] Saliyane kuwi, Fernando lan Tina Raris ngutip saka artikel kang nyebutake tiramisu diciptakake ing kutha Treviso rikala tahun 1971.[4] Buku-buku kuliner, kalebu majalah kuliner Vin Veneto terbitan tahun 1981, Giuseppe Maffioli lan Annibale Toffolo nyebutake ahli roti Roberto Linguanotto (Loly Linguanotto) saka restoran kang jenenge "Le Beccherie" ing Treviso mawa panemu tiramisu.[4] Cerita liya ngomongake roti iki asale saka kutha Siena.[4] Ana uga ahli roti liyane kang nyebutake tiramisu digawe kanggo ngurmati marang Cosimo III kang arep teka ing kutha Siena.[4]

Resep Tiramisu[sunting | sunting sumber]

Bahan-bahan[sunting | sunting sumber]

Gambar bahan-bahan Tiramisu[sunting | sunting sumber]

Cara Nggawe[sunting | sunting sumber]

  1. Kuninge endhog lan gula ditim karo diudheg nganggo mixer nganti ngembang lan wernane maleh pucet.[5][6] Tambahake ½ perangan liquer diudheg nganti rata banjur dientas lan diademake.[5][6]
  2. Gula lan keju dikocok nganggo mixer nganti lembut. [5][6]
  3. Krim kenthel dikocok nganggo mixer nganti kaku. Adonan kuning endhog lan adonan keju dilebokake banjur diudheg nganti rata.[5][6]
  4. Turahan liquer mau diudheg barung kopi encer. Biskuit dikum ana jerone nganti empuk. [5][6]
  5. Sendhokake adonan keju lan biskuit gentenan ing gelas. [5][6]Dipungkasi karoo lapisan keju. Gelas ditutup karo plastik.[5][6] Ademake ing lemari es nganti arep disugatake.[5][6]
  6. Wur-wuri coklat bubuk ing dhuwur tiramisu mau.[5][6]

Gambar Tiramisu kang wis dadi[sunting | sunting sumber]

Cathetan Suku[sunting | sunting sumber]

  1. ^ a b c d (id)ngobrolin Tiramisu (dipunundhuh tanggal 3 Januari 2013)
  2. ^ a b c d e (id)Tiramisu (dipunundhuh tanggal 3 Januari 2013)
  3. ^ a b c d (id)Sejarah Tiramisu (dipunundhuh tanggal 3 Januari 2013)
  4. ^ a b c d e (id)Tiramisu Cake (dipunundhuh tanggal 3 Januari 2013)
  5. ^ a b c d e f g h i j k l m n o p q r s (id)Resep Tiramisu (dipunundhuh tanggal 3 Januari 2013)
  6. ^ a b c d e f g h i j k l m n o p q r s (id)Tiramisu Italia (dipunundhuh tanggal 3 Januari 2013)
Sumber artikel punika saking kaca situs web: "http://jv.wikipedia.org/w/index.php?title=Tiramisu&oldid=836031"