Ngerum

Saka Wikipédia Jawa, bauwarna mardika basa Jawa
(Kaelih saka Rum)

Rum utawa Ngerum ya iku aran negara kang asring kasebut ing Quran lan kadis uga ing kasusastran Jawa kang rupa carita utawa babad. Nanging negara kang dikarepaké béda.

Negara Rum kang karan ing Quran lan kadis ngurujuk marang Krajan Romawi kang nalika jaman wiwitané agama Islam isih dadi negara kang digdaya ing laladan Mediterania. Déné Gusti Allah paring kabar menawa Negara Rum kang nalika ayat iku didhunké lagi ditelukaké déning Parsi, nanging bakal énggal olèh kemenangan ing wektu kang ora suwé.[1]

Déné negara Ngerum kang asring kasebut ing serat babad ing kasusastran Jawa ngrujuk marang negara Kakaisaran Ottoman (1299-1923) kang madeg ing Byzantium[2] sawusé Kakaisaran Romawi Wétan teluk, kang saiki ditepungi dadi laladan Turki. Paraga Sultan Ngerum lan Negara Ngerum kasebutaké ing pira-pira serat antarané Serat Sekandher, Serat Kandha, Serat Sajarah Demak lan Babad Demak Pasisiran.[3] Sultan Ngerum kacaritakaké minangka ratuning para ratu kang mbawahi sakabèhing krajan lan kasultanan Islam.

Rujukan[besut | besut sumber]

  1. Tafsir Surat Ar-rum ayat 1-7
  2. R.,, Carey, P. B.; Bambang,, Murtianto,; Gramedia, PT. Takdir : riwayat Pangeran Diponogoro, 1785-1855. Jakarta. ISBN 9789797097998. OCLC 883389465.{{cite book}}: CS1 maint: extra punctuation (link)
  3. I.,, Braginskiĭ, V. The Turkic-Turkish theme in traditional Malay literature : imagining the other to empower the self. Leiden. ISBN 9004305947. OCLC 927690336.{{cite book}}: CS1 maint: extra punctuation (link)