Segitiga Bermuda

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Segitiga Bermuda

Segitiga Bermuda (basa Inggris: Bermuda Triangle) utawa kang dikenal kanthi sesebutan Segitiga Sétan (Devils Triangle) yaiku panggonan kang ana ing Samodra Atlantik kang mujudake garis segitiga antara Bermuda, wilayah teritorial Britania Raya minanga titik ing dhaerah lor, Puerto Riko, tèritorial Amerika Serikat minangka titik ing dhaérah kidul lan Miami, negara bagèyan Florida, Amerika Serikat minangka titik ing dhaérah kulon.[1] Panggonan iki ambané 1,5 juta mil² atau 4 juta km².[2]

Segitiga bermuda dianggep misterius banget. Ana isu paranormal kang ngandharaké kenapa akéh kapal lan pesawat kang ilang.[3] Ana sing crita yèn iku pancèn gejala alam, mula ora èntuk léwat kana. Ana uga kang crita yèn kuwi amarga makhluk angkasa jaba. [4]

Sajarah[sunting | sunting sumber]

Nalika ngulandara ing dhaérah Bermuda taun 1492, Christopher Colombus nyathet kabèh kahanan kang ana ing dhaérah iku. Nalika iku kompas bola-bali owah, ora ngerti apa sebabé. [5] Kamangka nalika iku cuaca ya cerah-cerah waé. Saliyané iku, nalika wengi awak kapalé weruh bal-bal geni kang tiba menyang segara. Dhéwekè uga weruh sinar kang cumlorot saka dhuwur kaya meteor lan ora suwe banjur ilang. Columbus uga nyathet piranti navigasi kerep ujug-ujug mati dhéwé. [2]

Pirang-pirang prastawa ilang ing panggonan iku pisanan didokumentasi dening E.V.W. Jones saka majalah Associated Press ing taun 1951. Jones nulis artikel babagan ilange prastawa ilang kanthi misterius kang dialami dening montor mabur lan segara ing panggonan iku lan ngarani panggonan iku kanthi sesebutan ‘Segitiga Setan’. Kaya mangkono iku kang dicritakake maneh dening Fate Magazine kanthi artikel kang digawe dening George X. ing taun 1965. Vincent Geddis ngarani panggonan iku kanthi sesebutan ‘Segitiga Bermuda yang mematikan’.

Segitiga bermuda mujudake panggonan kang ana ing ngisor segara, ing kana ana piramida gedhe kang ukurane luwih gedhe tinimbang piramida kang ana ing Kairo, Mesir. Piramida iku adohe saka pucuk piramida lan permukaan segara kira-kira 500 m, ing pucuk piramida iku ana rong bolongan kang luwih amba.

Prastawa[sunting | sunting sumber]

Pamaburan 19

Akèh prastawa kadadéyan ing segitiga bermuda kang asipat misterius.

Pamaburan 19[sunting | sunting sumber]

5 Desember 1945 awan, lima pesawat pembom torpédho Avenger lunga saka Naval Air Station ing Fort Lauderdale, Florida, karo Letnan Charles Taylor minangka komandan lan 13 murid pilot. Nalika kartengah jam mabur, kanthi radio Taylor crita yèn kompas iku ora obah, nanging dhéwéké ngira-ira yèn dhéwéké ana ing panggonan ing Florida. Létnan kang nrima sinyal radio iku mréntah Taylor mabur menyang lor Miami. Nalika iku, dhéwékè yakin yèn dhéwékè ana ing dhuwur Florida. Sanadyan dhéwékè pilot kang berpengalaman, Taylor èntuk kanyatan kang medeni lan dhéwékè ngupaya metu saka Florida. Taylor lan anak buwahé metu saya adoh menyang laut. [3]

Nalika wengi, ujug-ujug sinyal radio dadi èlèk, nganti pungkasané ilang. Angkatan laut Amerika nylidhiki lan nglaporaké yèn bingungé Taylor kang ndadékaké bencana, nanging ibuné ngyakinaké Angkatan laut Amerika ngowahi laporan resmi yèn pesawat iku tiba kanthi sebab kang ora dimangertèni. [1]

Pamaburan 201[sunting | sunting sumber]

Pesawat Cessna lunga saka Fort Lauderdale tanggal 31 Maret 1984, kanthi rute menyang Pulau Bimini ing Bahama, nanging ora tau bisa. Ing tengah dalan, pesawat dialonaké kanthi kecepatan kang signifikan. Ananging ora ana sinyal radio kang digawé saka pesawat kang ngatonaké tekanan. Makbedunduk, pesawat tiba saka angkasa ing banyu, bener-bener ilang saka radar. Ana wong wadon ing Pulau Bimini sumpah dhéwékè weruh pesawat kang tiba ing segara adohé kira-kira samil saka pantai, nanging ora ana kang bisa nemokaké reruntuhan pesawat.[4]

USS Cyclops[sunting | sunting sumber]

Nalika isih panas-panasé Perang Dunia I, Amerika uga mèlu perang. USS Cyclops, dipréntahaké déning Létnan GW Worley, kang tinggal ing Pantai Timur Amerika Serikat nganti taun 1918 nalika dhéwékè dikirim menyang Brazil kanggo ngisi bahan bakar kapal-kapal Sekutu. kanthi 309 wong ing jero pesawat, kapal lunga saka Rio de Janeiro ing sasi Februari lan tekan Barbados ing sasi Maret. Sawisé iku, Cyclops ora tau keprungu manèh. Angkatan Laut ngandharaké ing pernyataan resmi, “Ilangé kapal iku wis dadi salah siji misteri kang paling mbingungaké sajroning sajarah Angkatan Laut. Ora ana mungsuh kapal selem ing Atlantik Kulon nalika iku, lan ing Desember 1918 akeh upaya kang dilakokaké kanggo ngèntukaké sumber-sumber Jerman informasi ngenani ilangé kapal. [5][6]

Kronologi Prastawa-Prastawa kang Misuwur[sunting | sunting sumber]

  • 1840: HMS Rosalie
  • 1872: The Mary Celeste, salah siji prastawa kang paling gedhe ilange kapal-kapal ing segitiga bermuda
  • 1909: The Spray
  • 1917: SS Timandra
  • 1918: USS Cyclops (AC-4) ilang ing segara nalika ana badai. Nanging sadurunge budhal, menara pengawas ngandhani yen segara nalika iku anteng banget, ora bakalan ana badai.
  • 1926: SS Suduffco ilang nalika cuacane elek.
  • 1938: HMS Anglo Australian ilang. Nalika iku ana laporan yen cuacane anteng banget.
  • 1945: Pamaburan 19 ilang.
  • 1952: Pesawat British York transport ilang kanthi nggawa 33 penumpang.
  • 1962: US Air Force KB-50, kang awujud kapal tangker ilang.
  • 1970: Kapal barang Perancis, Milton Latrides ilang nalika budhal saka New Orleans menyang Cape Town.
  • 1972: Kapal Jerman, Anita (20.000 ton), ilang kanthi nggawa 32 kru.
  • 1976: SS Sylvia L. Ossa ilang ing jero segara 140 mil ing sisih kulon Segitiga Bermuda.
  • 1978: Douglas DC-3 Argosy Airlines Flight 902, ilang sawise lepas landas lan sawise ilang kontak radio.
  • 1980: SS Poet; ngulandara menyang Mesir, ilang nalika ana badai.
  • 1995: Kapal Jamanic K (digawe taun 1943) dilaporake ilang sawise ngelwati Cap Haitien.
  • 1997: Para pelayar ilang saka pesiar Jerman.
  • 1999: Freighter Genesis ilang sawise budhal saka Port of Spain menyang St Vincent.

Pranala Jaba[sunting | sunting sumber]

Commons-logo.svg
Wikimedia Commons gadhah galeri bab:
Wikipedia
Artikel punika, artikel dhasar ingkang kedah dipundarbèni sadaya basa.

Kapustakan[sunting | sunting sumber]

  1. ^ a b (id)id.shvoong.com kaakses tanggal 15 Mei 2011
  2. ^ a b (id)the-az.com kadeleng tanggal 15 Mei 2011
  3. ^ a b (id)dunia.vivanews.com kadeleng tanggal 15 Mei 2011
  4. ^ a b (id)idebagus.com kadeleng tanggal 15 Mei 2011
  5. ^ a b (id)koranbaru.com kadeleng tanggal 15 Mei 2011
  6. ^ (id)[Erabaru.net kadeleng tanggal 15 Mei 2011
Sumber artikel punika saking kaca situs web: "http://jv.wikipedia.org/w/index.php?title=Segitiga_Bermuda&oldid=870685"