Sasando

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sasando ngasilake swara kombinasi saka harpa, piano, lan gitar

Sasando yaiku piranti musik tradhisional saka Rote kang bisa ngasilake swara kombinasi saka piranti musik liyané yaiku harpa, piano, lan gitar.[1] Sasando mujudake telung piranti musik ing sajroning siji rytm, melodi, lan bass. [1]

Dadi senajan piranti musik tradhisional, universalitas sasando bisa ing sakabehané.[1] Wujude sasando memper karo perangkat musik petik liyane kayata gitar, piyul, lan kecapi. [2] Bageyan utama sasando awujud tabung dawa kang padatan digawe saka pring.[2] Bageyan tengahe, mlungker saka ndhuwur mengisor diwenehi ganjelan supaya senar-senar kang dipenthang ing tabung bisa ana jaganane.[2] Ganjelan-ganjelan iki bisa ngasilake nada kang bedha ing saben-saben ungeling senar.[2] Tabung sasando diglethakake sajroning wadhah kang digawe saka anyaman godhong lontar kang digawe kaya kipas.[2] Wadhah iki minangka papan resonansi sasando.[2] Sasando nduwe senar kang akeh.[2] Sasando kang nduwe senar cacahe 28 diarani Sasando Engkel.[2] Dene sasando kang cacahe senar 56 (ana uga kang 84 senar) diarani Sasando Dobel.[2] Cara ngunekake sasando iku kayadene gitar yaiku dipetik.[2] Sasando diunekake nganggo tangan loro, kiwa manengen lan tengen mangiwa.[1] Tangan kiwa kanggo ngungelake melodi lan bass, dene kang tengen kanggo ngungelake akord.[1] Saiki, sasando wis akeh dimodifikasi wujude miturut kapreluane.


Cathetan suku[sunting | sunting sumber]

  1. ^ a b c d e (id)Generasi Sasando Terakhir Dari Pulau Rote (dipuntingali 1 Agustus 2011)
  2. ^ a b c d e f g h i j (id)Sasando
Sumber artikel punika saking kaca situs web: "http://jv.wikipedia.org/w/index.php?title=Sasando&oldid=831759"