Radèn Patah

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Raden Patah)
Langsung menyang: pandhu arah, pados

Radèn Patah utawa Chen Jin Wen utawa Panembahan Tan Jin Bun iku putra pasangan Brawijaya V karo putri saka Cinten. Uga ana sing nyebut yen Radèn Patah iku putra pasangan Brawijaya V karo Putri Anarawati (putri saka karajan Champa sing nganut agama Islam).Radèn Fatah kagolong tokoh ulama kapisan kang madegake kerajaan demak kang dipandegani dèning walisanga kang ngayahi lan nderekake paperangan ing krajaan Demak kang kapisanan uga pangendeg kerajaan.Kanthi sinengkelan Geni Mati Siniram Janmi kang tumuju ing taun saka 1403 utawa taun 1481 M kerajaan Demak dumadeg.Krajaan Islam kapisanan ing jawa ngandeg kanthi pangestu lan gegayutan ing para walisanga kanthi irah-irah sakpungkasané ambruké Krajaan Majapahit.Ing lajune jaman kang pungkasan, Demak ndadekake puser agama Islam lan pangetahuan lan perdangangan kang misuwur.

Masjid Paninggalan Radèn Patah

Paninggalan[sunting | sunting sumber]

Salah sijiné paninggalan krajaan Demak kang wisa dipastekake kanthi seprene yaiku Masjid Agung Demak kang dumadeg kanthi keker.Krajaan Demak kuwi awujud ing cikal bakalé krajaan-krajaan ing tlatah Jawa kanthi werna lan panganut Islam.Kabeh kuwi bisa kawujud kanthi jasané Radèn Patah

Riwayat[sunting | sunting sumber]

Lair ing Palembang wektu ibune diasingke saka Kraton Majapahit. Putri saka Cinten iki dititipake Brawijaya V neng Adipati Palembang yaiku Arya Sedamar. Radèn Patah nduwe putra 2 yaiku Pangeran Sekar Seda Lepen lan Pangeran Trenggana, uga nduwe mantu 2 yaiku Pati Unus lan Fatahillah. Radèn Patah tilar donya ing taun 1518 lan tahta Kasultanan Demak diserahke dening Pati Unus.

Ana sawetara vèrsi ngenani asal-usul pendhiri Kasultanan Demak. Miturut Babad Tanah Jawi, Radèn Patah iku putra Brawijaya raja pungkasan Majapait (vèrsi babad) saka selir Cina. Selir Cina iki putri saka Kyai Batong (Ma Hong Fu). Amarga Ratu Dwarawati sang permaisuri sing asal saka Campa ngrasa cemburu, Brawijaya kepeksa mènèhaké selir Cina marang putra sulungé, ya iku Arya Damar bupati Palembang. Sawisé nglairaké Radèn Patah, putri Cina dinikahi Arya Damar, nglairaké Radèn Kusèn.

Miturut kronik Cina saka kuil Sam Po Kong, jeneng undangan wektu Radèn Patah isih muda ya iku Jin Bun, putra Kung-ta-bu-mi (alias Bhre Kertabhumi) raja Majapait (vèrsi Pararaton) saka selir Cina. Sabanjuré selir Cina diwènèhaké marang Swan Liong ing Palembang. Saka perkawinan kapindho iku lair Kin San. Kronik Cina iki mratélakaké taun kelairan Jin Bun ya iku taun 1455. Manawa Radèn Patah lair nalika Bhre Kertabhumi durung dadi raja (mrintah taun 1474-1478).

Miturut Purwaka Caruban Nagari, jeneng asli selir Cina ya iku Siu Ban Ci, putri Tan Go Hwat lan Siu Te Yo saka Gresik. Tan Go Hwat minangka saudagar lan uga ulama kanthi gelar Syaikh Bantong.

Miturut Sajarah Banten, Pendhiri Demak jenengé Cu Cu, putra mantan perdhana mentri Cina sing pindhah menyang Jawa. Cu Cu ngabdi ing Majapait lan kasil numpes pambrontakan Arya Dilah bupati Palembang. Warta iki cukup anèh amarga jroning Babad Tanah Jawi, Arya Dilah iku jeneng liya Arya Damar, bapak angkat Radèn Patah dhéwé. Sabanjuré, saka jasa-jasané, Cu Cu dadi mantu raja Majapait lan diangkat dadi bupati Demak kanthi gelar Arya Sumangsang.

Miturut Suma Oriental karya Tome Pires, pendhiri Demak jenengé Pate Rodin, putu saka masarakat kelas rendah ing Gresik.

Senadyan ana sawetara vèrsi, nanging katon yèn pendhiri Kasultanan Demak nduwèni hubungan karo Majapait, Cina, Gresik, lan Palembang.

Silsilah[sunting | sunting sumber]

Silsilah Radèn Patah:

Uga pirsani[sunting | sunting sumber]

Rujukan[sunting | sunting sumber]

Pranala njaba[sunting | sunting sumber]


Raden Patah > Pati Unus

Sumber artikel punika saking kaca situs web: "http://jv.wikipedia.org/w/index.php?title=Radèn_Patah&oldid=808572"