Ratu Kalinyamat

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Relief ing pasaréyan Ratu Kalinyamat ing Masjid Mantingan

Ratu Kalinyamat yaiku Ratu kang nguwasani keraton Kalinyamat. Asma Kalinyamat dijupuk saka asma garwané yaiku Radèn Kalinyamat utawa Sultan Hadirin. Déné asma Ratu Kalinyamat kuwi asliné Ratu Retna Kencana. Ratu Retna Kencana kuwi laréné Sultan Trenggana, lan adhik saka Sunan Prawata utawa kang duwèni jeneng asli Pangèran Mukmin. Ratu Retna Kencana duwèni kanca, yaiku Wulan Tapak Duri. Wulan Tapak Duri semana uga remen kaliyan Pangèran Kalinyamat. Pangèran Kalinyamat asma asliné Pangèran Toyib, putra Sultan Mughayat Syah, Raja Aceh (1514-1528), banjur Pangèran Kalinyamat pindhah menyang tanah Jawa ngedekaké desa Kalinyamat. Minangka nikah kaliyan Ratu Retna Kencana, Pangèran Kalinyamat merkolèh julukan Sultan Hadirin. Nanging kedadéyan sing ora apik ana ing pihak Ratu Retna Kencana, kasebab Kangmasé kang mimpin karajan Demak kuwi duwèni dendam temurun karo Arya Penangsang. Sunan Prawata wusanané séda ing tangané patih utusané Arya Penangsang. Ora mung kuwi waé, jebul Arya Penangsang isih nduwèni rasa dhendham, saéngga Sultan Hadirin garwané Ratu Retna Kencana kuwi uga mati ing tangané utusan saka Arya Penangsang. Banjur Ratu Kalinyamat tapa tanpa busana kang diarani tapa wuda ing bukit Danaraja lan Ratu Kalinyamat sumpah ora bakal jengkar saka pertapané yén durung bisa kèsèt rambuté Arya Panangsang. Tapa kuwi jalaran Ratu Kalinyamat kepéngén Arya Penangsang binasa saka bumi. Kanthi jalaran Sutawijaya Ratu Kalinyamat ngrasa lega, sebab wong kang wis matèni sedulur lan bojoné kuwi wis binasa. Wusanané Ratu Kalinyamat nguwasani wilayah Jepara kanthi merhatekaké ngrembakané Bandar Niaga.

Pranala jaba[sunting | sunting sumber]

Cathetan Sikil[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Ratu_Kalinyamat&oldid=833657"