Maria Sharapova

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Maria Sharapova
Sharapova nalika taun 2006.
Julukan/undang-undangan Masha
Negara Rusia
Papan padunungan Bradenton, Florida, AS
Dhuwur 1,88 m (6 kaki 2 inci) [1]
Bobot 130 lbs (59kg)[2]
Karir profèsional 2001–
Tangan Tengen; backhand kalih tangan
Gunggung bebungah
sadawaning karir
US$10.231.402
Tunggal
Menang-kalah 280-66
Gelar 17
Peringkat paling dhuwur 1 (22 Agustus 2005)
Hasil Grand Slam (3 gelar)
Australia Terbuka J (2008)
Prancis Terbuka SF (2007)
Wimbledon J (2004)
AS Terbuka J (2006)
Ganda
Menang-kalah 23-16
Gelar 3
Peringkat paling dhuwur 41

Cathetan: Data per 26 Januari 2008.

Maria Yuryevna Sharapova (IPA: [ʃʌˈrapəvə]; Basa Rusia: Мари́я Ю́рьевна Шара́пова; lair ing Nyagan, Khanty-Mansi, Siberia, Rusia, 19 April 1987; umur 27 taun) punika satunggiling pemain tenis asal Rusia. Piyambakipun naté ndhudhuki peringkat 1 WTA lan sapuniki dhomisilinipun ing Amérika Sarékat, senadyan tetep dados warganagari Rusia.

Sharapova sampun njawarani 3 gelar Grand Slam, kalebet Australia Terbuka (2008) lan AS Terbuka nalika taun 2006 kanthi ngalahaken Justine Henin. Nalika taun 2004, panjenenganipun ngalahaken Serena Williams ing final Wimbledon.

Kagesangan pribadi[sunting | sunting sumber]

Nalika yuswa 7 taun, Sharapova dipunbeta dhumateng Amérika Sarékat déning bapanipun, Yuri Sharapov, kanggé sinau tenis ing Akademi Tenis Nick Bollettieri ing Bradenton, Florida.

Karir[sunting | sunting sumber]

2004 lan 2005[sunting | sunting sumber]

Nalika taun 2004, Sharapova dados jawara Wimbledon minangka pamenang katiga paling anèm salebeting sajarah. Piyambakipun ngalahaken Ai Sugiyama (5-7, 7-5, 6-1) ing perempat final, Lindsay Davenport (2-6, 7-6, 6-1) ing semifinal, lan Serena Williams (6-1, 6-4) ing final. Piyambakipun ugi dados tiyang Rusia ingkang pisanan menangi turnamèn kasebat. Ing AS Terbuka sapérangan wulan salajengipun, piyambakipun kalah saking petenis Prancis lan kaping 2 jawara Grand Slam, Mary Pierce. Sharapova mungkasi taun 2004 kanthi kamenangan nalika turnamèn panutup taun, WTA Championships, ngalahaken Serena Williams (4-6, 6-2, 6-4).

Saking wulan Juni 2004 dumugi semifinal turnamèn Wimbledon taun 2005, Sharapova menangi 22 pertandhingan tanpa mandheg ing lapangan suket, kalebet menangi turnamèn ing Birmingham lan Wimbledon.

Sharapova dumugi semifinal Australia Terbuka nalika taun 2005. Panjenenganipun dipunasoraken déning Serena Williams (4-6, 6-2, 6-4). Panjenenganipun boten saged mempertahankan gelar Wimbledon-ipun. Panjenenganipun dipunasoraken déning Venus Williams (7-6, 6-1). Panjenenganipun naté mapan ing peringkat sepindhah salebetipun peringkat tenis WTA, senadyan namung 1 minggu. Sharapova ugi kalah ing semifinal AS Terbuka 2005. Panjenenganipun nyerah dhumateng Kim Clijsters.

Kanthi mekaten, ing turnamèn Grand Slam 2005, panjenenganipun kalah teras dhumateng pamenang turnamèn kasebat: Australia Terbuka-semifinal-Serena Williams, Prancis Terbuka-prapat final-Justine Henin, Wimbledon-semifinal-Venus Williams, AS Terbuka-semifinal-Kim Clijsters.

2006[sunting | sunting sumber]

Ing Australia Terbuka 2006, panjenenganipun kalah saking Justine Henin 4-6, 6-1, 6-4.

Sharapova nggayuh gelar sepindhaipun nalika taun 2006 lan gelar kaping 11 ing kariripun ing turnamèn Tier 1, Pacific Life Open ing Indian Wells, California ing pundi panjenenganipun dados unggulan kaping 3. Sharapova lan unggulan kaping 4, Elena Dementieva dados tiyang Rusia sepindhah ingkang dumugi final ing turnamèn kasebat. Ing turnamèn salajengipun, Nasdaq-100 Open (sapuniki Sony Ericsson Open), panjenenganipun dipunasoraken Svetlana Kuznetsova ing final kanthi skor 6-4, 6-3.

Sharapova tumut dhateng turnamèn Prancis Terbuka 2006 tanpa tumut turnamèn-turnamèn ingkang main ing lapangan lemah lempung sadèrèngipun. Panjenenganipun kandheg ing babak sekawan, dipunasoraken déning Dinara Safina 7-5, 2-6, 7-5.

Sharapova nyambut musim lapangan suket kanthi tumut dhateng turnamèn DFS Classic ing Birmingham, nanging panjenenganipun kalah ing semifinal saking Jamea Jackson. Kanggé kaping kalihipun, ing Wimbledon 2006, panjenenganipun dipunasoraken Amelie Mauresmo ing semifinal kanthi skor 6-3, 3-6, 6-2.

Sharapova pikantuk gelar kaping kalih nalika taun 2006 ing turnamèn Tier 1, Acura Classic ing San Diego minangka unggulan kaping kalih, ngasoraken unggulan sepindhah, Kim Clijsters, 7-5, 7-5. Puniki arupi kamenangan sepindhah Sharapova saking Clijsters ing 5 patemon kekalihipun.

Sharapova tumut dhateng AS Terbuka 2006 minangka unggulan kaping tiga. Panjenenganipun ngasoraken petenis peringkat sepindhah, Amelie Mauresmo ing semifinal kanthi skor 6-0, 4-6, 6-0. Sharapova salajengipun ngungguli Justine Henin ing final 6-4, 6-4.

Sharapova ugi menangi turnamèn Zurich Open, ngasoraken Daniela Hantuchova 6-1, 4-6, 6-3 ing final. Sharapova lajeng menangi turnamèn Tier 2, Generali Ladies Linz, ngasoraken petenis sesami Rusia lan pemenang sadèrèngipun, Nadia Petrova 7-5, 6-2.

Dumugi panjenenganipun kalah ing turnamèn akir taun, WTA Tour Championships, Sharapova sampun menangi 19 pertandhingan tanpa mandheg. Panjenenganipun mungkasi taun 2006 kanthi rekor 59-9 lan menangi turnamèn Tier 1 langkung kathah katimbang petenis sanèsipun.

Sharapova ugi ngedalaken wara-wara bilih panjenenganipun bakal ngiyataken tim Fed Cup Rusia kanggé sepidhahipun ing taun 2007. [3]

2007[sunting | sunting sumber]

Sharapova miwiti taun 2007 kanthi dumugi final ing turnamèn ekshibisi lan pemanasan kanggé Australia Terbuka 2007, Watson Water Champions Challenge, ing pundi panjenenganipun dipunasoraken déning Kim Clijters, 6-3, 7-6(8).

Ing turnamèn Australia Terbuka, unggulan sepindhah Maria Sharapova ngasoraken petenis peringkat kaping 62, Camille Pin ing babak kaping kalih kanthi skor 6-3, 4-6, 9-7. Pertandhingan kasebat dipunmainaken salebeting temperatur udhara ingkang panas sanget, 40 °C (104 °F). Ing babak kaping sekawan, Sharapova ngasoraken réncang sanegaranipun, Vera Zvonareva, 7-5, 6-4. Ing prapat final, Sharapova ngasoraken unggulan kaping 12 Anna Chakvetadze kanthi skor 7-6(5), 7-5. Panjenenganipun lajeng ngasoraken unggulan kaping sekawan, Kim Clijsters, 6-4, 6-2 ing semifinal kanggé majeng dhateng final. Nanging, Serena Williams, peringkat kaping 81 donya, menang kanthi gampil, 6-1, 6-2.

Sharapova lajeng tumut ing Toray Pan Pacific Open, turnamèn Tier 1 ing Tokyo, Jepang. Panjenenganipun dados unggulan sepindhah. Ing semifinal, panjenenganipun nyerah dhumateng Ana Ivanovic amargi cedera, 6-1, 1-0.

Turnamèn salajengipun inggih punika Pacific Life Open ing Indian Wells, California, ing pundi panjenengangipun punika jawara sadèrèngipun lan dados unggulan paling inggil. Kepripun ugi, panjenenganipun kalah saking Vera Zvonareva ing babak kaping sekawan kanthi skor 4-6, 7-5, 6-1.

Ing turnamèn Sony Ericsson Open, ing Key Biscayne, Florida, Sharapova kalah malih kanthi gampil saking Serena Williams, ing babak kaping sekawan kanthi skor 6-1, 6-1. Ing babak sadèrèngipun, panjenenganipun ngasoraken Yung-Jan Chan lan Venus Williams.

Sharapova dipunjadwalaken bakal main ing turnamèn Family Circle Cup ing Charleston, Carolina Kidul, nanging cedera bahu ingkang njalari panjenenganipun boten saged tumut tur tenis-ipun salami 5 utawi 6 minggu, ingkang ugi ateges panjenenganipun boten bakal main ing tim Fed Cup Rusia nglawan Spanyol.

Nalika tanggal 29 Maret 2007:

  • Sharapova kagungan rekor 3-5 ing semifinal Grand Slam.
  • Sharapova kagungan rekor 6-12 nglawan pemain top donya (2-5 nglawan Justine Henin, 3-3 nglawan Svetlana Kuznetsova, lan 1-4 nglawan Amelie Mauresmo). Sharapova kagungan rekor 2-4 nglawan Serena Williams, lan 3-4 nglawan Kim Clijsters, ingkang ugi arupi mantan petenis peringkat sepindhah donya.

Bebungah[sunting | sunting sumber]

2003

  • Women's Tennis Association (WTA) Newcomer of the Year (Pendhatang énggal WTA taun 2003)
  • Hottest female athlete of the year (Maxim)

2004

  • WTA Player of the Year (Petenis WTA taun 2004)
  • WTA Most Improved Player of the Year (Petenis WTA ingkang paling berkembang)
  • WTA Player Service
  • Hottest female athlete of the year (Maxim)

2005

  • ESPY Best Female Tennis Player (Petenis wanita paling saé vèrsi ESPY)
  • Petenis Rusia paling saé miturut Federasi Tenis Rusia
  • Master of Sports of Russia
  • Hottest female athlete of the year (Maxim)
  • Prix de Citron Roland Garros

2006

  • Hottest female athlete of the year (Maxim)
  • Petenis Rusia paling saé miturut Federasi Tenis Rusia

Iklan komersial[sunting | sunting sumber]

  • Honda - namung lumampah ing Jepang.
  • Land Rover
  • Motorola
  • Gatorade - minuman ngandhut energi
  • Tropicana - jus jeruk
  • TAG Heuer
  • Nike Inc.
  • Prince Sports, Inc. - rakèt tenis
  • Canon Inc.

Rakèt[sunting | sunting sumber]

Rakèt pisanan Sharapova (sadèrèngipun mlebet aréa profésional) inggih punika paringan saking satéunggiling réncang caket kulawarganipun.

Sharapova migunaaken rakèt Prince Tour Diablo nalika taun 2003 lan salajengipun migunaaken sapérangan rakèt Prince ingkang bènten dumugi AS Terbuka taun 2004. Sharapova wiwit migunaaken rakèt Prince Shark MP nalika turnamèn kasebat. Salajengipun piyambakipun nggantos mawi rakèt Prince O3 White ing wulan Januari 2006, lan tetep migunaaken rakèt kasebat dumugi sapuniki.

Pranala njawi[sunting | sunting sumber]

Commons-logo.svg
Wikimedia Commons gadhah galeri bab:

Rujukan[sunting | sunting sumber]


Petenis-petenis putri mawi peringkat nomer siji donya
Amélie Mauresmo | Ana Ivanović | Arantxa Sánchez Vicario | Chris Evert | Evonne Goolagong | Jennifer Capriati | Justine Henin | Kim Clijsters | Lindsay Davenport | Maria Sharapova | Martina Hingis | Martina Navrátilová | Monica Seles | Serena Williams | Steffi Graf | Tracy Austin | Venus Williams

Sumber artikel punika saking kaca situs web: "http://jv.wikipedia.org/w/index.php?title=Maria_Sharapova&oldid=822718"