Lawrence R. Klein

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lawrence Klein

Lawrence Robert Klein miyos wonten ing Omaha, Nebraska nalika taun 1920 lan asalipun saking keturunan Yahudi. Saking karyanipun nyiptakaken model penghitungan kanggé mrekirakaken tren ékonomi wonten ing bidang ekonometrik wonten ing Universitas Pennsylvania, piyambakipun dipunanugrahi Hadhiah Nobel bidang Ékonomi nalika taun 1980. Ingkang spésifik "kanggé panciptan modél ékonomi lan patrapaning wonten ing analisis fluktuasi ékonomi lan kabijakan ékonomi." [1]

Profesor Klein inggih punika lulusan saking Universitas California, Berkeley, ing pundi piyambakipun miwiti model pangétanganipun; piyambakipun pikantuk gelar PhD wonten ing Institut Teknologi Massachusetts (MIT) nalika taun 1944.[2]

Klein lajeng pindhah dhateng Cowles Commission for Research in Economics, ingkang wekdla punika wonten ing Universitas Chicago, sakmenika Cowles Foundation. Wonten ing mrika piyambakipun mbiyangun sawijining model ékonomi Amerika Serikat kanggé mrakirakaken pangembangan fluktuasi bisnis lan nyinaoni èfèk kabijakan ékonomi politik pamaréntah. Sasampunipun perang donya II, Klein migunakaken modelipun kanggé mrakirakaken kanthi agenging pangarep saking masyarakat, bilih badhé wonten kemajuan ekonomi tinimbang depresi. Piyambakipun mrakirakaken kanthi pas bilih resesi badhé kadadosan wonten ing pungkasaning Perang Korea.[3]

Nalika taun 1959, Klein dipunanugrahi John Bates Clark Medal, salah satunggal saking 2 hadhiah paling bergengsi wonten ing bidang ékonomi.

Wonten ing Universitas Michigan, Klein ngembangaken model (makroekonomi) ingkang dipuninggilaken, mliginipun model Klein-Goldberger ingkang misuwur, dipundamel kaliyan Arthur Goldberger, ingkang adedasar kaliyan dhasar ingkang dipundunungaken Profesor Jan Tinbergen saking Belanda, ingkang salajengipun menangaken Penghargaan Bank Swedia wonten ing bidang Ilmu Ekonomi kanggé méngeti Alfred Nobel nalika taun 1969. Klein bendten kaliyan Jan Tinbergen kanthi migunakaken teori ekonomi alternatif lan teknik statistik ingkang benten.[4]

Klein pindhah dhateng Inggris nalika taun 1954, amargi "witch-hunt" anti komunisme Senator Joseph Raymond McCarthy, lan panolakan masa jabatanipun ingkang kalajengaken wonten ing University of Michigan. Klein sampun dados anggota Partai Komunis Amerika nalika taun 1946 lan 1944 sadangunipun wonten ing Chicago; ing wuri piyambakipun ngendika bilih punika minangka akibat kenaifan nalika taksih timur.

Wonten ing Inggris, Klein ngembangaken modél ékonomi Britania Raya wonten ing Universitas Oxford, sadéréngipun wangsul dhateng Amerika Serikat nalika taun 1958 kanggé kagabung kaliyan Jurusan Ekonomi wonten ing University of Pennsylvania. Piyambakipun dados "Profesor Benjamin Franklin wonten ing Ilmu Ekonomi lan Keuangan" wonten ing Wharton Business School nalika taun 1968.[5]

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Lawrence_R._Klein&oldid=836498"