Jan Tinbergen

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jan Tinbergen

Jan Tinbergen (Den Haag, 12 April 1903- Den Haag, 9 Juni 1994) inggih punika salah satunggaling ilmuwan Belanda ingkang pikantuk bebungah Nobel wonten ing bidang ekonomi ingkang angka pisanan taun 1969, ingkang dipuntampi sesarengan kaliyan Ragnar Frisch. Penghargaan punika dipunparingaken saking kasil kerjanipun ingkang mbiyangun lan nerapaken babagan model dinamik wonten ing penganalisaan proses-proses (macro) ékonomi. [1]

Pagesangan[sunting | sunting sumber]

Murid-murid Ehrenfest; Tinbergen angka tiga saking kiwa

Jan Tinbergen inggih punika putra mbarep saking gangsal sadhérék. Bapakipun ingkang nama Dirk Cornelis Tinbergen, satunggaling guru Basa Belanda. Ibunipun, Jeannette van Eek kagungan profesi guru. Kakang saking Nikolaas Tinbergen ugi minangka satunggaling pamenang hadhiah Nobel wonten ing bidang fisiologi nalika taun 1973. Rayi ragilipun, Luuk Tinbergen dados satunggaling ahli ornotologi ingkang lumayan misuwur. Jan palakrama kaliyan Tine Johanne de Wit ingkang dipunparingi sekawan putra.[2]

Jan Tinbergen sinau matematika lan fisika wonten ing Universitas Leiden sangandhapipun bimbingan saking Paul Ehrenfest. Nalika taun 1926, Jan nolak wajib militer lan minangka paukuman piyambakipun kedah nindakaken pedamelan-pedamelan sosial. Sadangu periode 25 wulan punika, Jan nyinaoni ilmu ékonomi. Piyambakipun minangka salah satunggaling anggota ingkang lumayan fanatik saking partai buruh sosialis. Jan kagungan pamanggih bilih ilmu fisika kirang kagungan mumpangat minangka anggota partai. Saking punika, piyambakipun lajeng sinau ilmu ékonomi ugi.[3]

Karier[sunting | sunting sumber]

Jan pikantuk gelar PhD nalika taun 1929 kanthi karyanipun ingkang judul "Minimuumproblemen in de natuurkunde en economie" (Minimalisasi Problem wonten ing fisika lan ékonomi). Piyambakipun makarya wonten ing Badan Statistik lan minangka profesor wonten ing Universitas Erasmus Rotterdam saking taun 1929-1945. Wonten ing periode punika, piyambakipun ugi dados anggota Liga Bangsa-Bangsa, sawijining badan internasional ingkang kagungan ancas ningkataken katentreman lan kamulyan donya.

Nalika taun 1945-1955, Jan Tinbergen ndhirikaken Lembaga Pembangunan dan Perencanaan Nasional Belanda lan dados direkturipun ingkang angka pisan.

Jan Tinbergen kathah mikiraken babagan keadilan lan distribusi pendapatan. Norma Tinbergen inggih punika salah satunggaling pamikiranipun ingkang nyatakaken bilih bedanipun antawis penghasilan tertinggi lan terendah ing satunggaling perusahaan langkung saking rasio 1:5, hal punika badhé ndadosaken kontraproduktif.[4]

Jan Tinbergen ndhirikan institut ekonometri wonten ing Erasmus Universitas Rotterdam.

Karya-karyanipun dipunlajengaken déning ekonom Lawrence Klein ingkang pungkasanipun ugi pikantuk hadhiah Nobel.

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Jan_Tinbergen&oldid=836559"