Basa Walanda

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Basa Walanda kuwi sawijining basa Jermanik Kulon kang dipituturaké déning 20 yuta jiwa ing saindhenging donya. Jroning basa Walanda, basa iki disebut het Nederlands utawa de Nederlandse Taal. Jroning Basa Inggris disebut Dutch utawa the Dutch Language.

[sunting] Klasifikasi

Basa Walanda lan kalebu uga basa Inggris sarta basa Jerman, minangka bagéan saka kulawarga basa Jermanik Kulon kang gedhé. Nanging jroning kulawarga basa iki, basa Walanda sacara relatif bisa dianggep cilik. Sifat khas basa Walanda yakuwi dhasaré. Basa Walanda adhedhasar basa Frankia Hilir.

Biyèn, nalika suku-suku Jerman teka manggon ing muara Kali Rhein, Kali Maas lan Kali Schelde, kaum Frankia yakuwi kang paling dominan lan pengaruhé paling gedhé kanggo tuwuhing basa Walanda ing tembé mburi tinimbang suku-suku kang isih cedhak perkerabatané kayadéné suku Frisia lan Saxon kang luwih akèh urip ing pesisir wektu semana, utamané manggon ing sisih wétan Kali IJssel. Amarga saka kuwi kakerabatan antara basa Walanda lan basa Jerman cedhak banget. Bebarengan karo basa Jerman Hulu (basa Jerman baku) lan basa Jerman Hilir, kang ora adhedhasa basa Frankia, basa Walanda kalebu apa kang disebut kulawarga basa Jermanik Kulon-Kontinental. Kulawarga iki minangka cawang saka basa Jermanik lan basa Jermanik dhéwé minangka cawang saka basa Indo-Eropah.

[sunting] Sajarah

Faksimile: Abent omnes uolucres nidos inceptos nisi ego e tu. Hebban olla uogala nestas bigunnan hinase hi(c) (e)nda thu ...uug....mb ada....e nu.

Suwé banget dipercaya yèn bukti Basa Walanda paling tuwa kuwi awujud kalimat iki:
“Hebban olla vogala nestas bigunnan hinase hic enda thu wat unbidan we nu”.
Jroning Basa Walanda moderen:
“Hebben alle vogels nesten begonnen behalve ik en u. Waarop wachten we nog?”
Tegesé:
“Kabèh manuk wis gawé susuh kajaba aku lan kowé, apa kang kita tunggu?”.

Ukara iki kira-kira ditulis ing taun 1075 déning sawijining biarawan Flandria ing Rochester, Inggris.

Nanging nyatané saiki ditemokaké kalimat-kalimat kang luwih tuwa manèh.

Banjur karya sastra pisanan kang ana yakuwi Karel ende Elegast, sawisé kuwi basa Walanda tansaya akèh tinulis.

[sunting] Delengen uga

Wikipedia uga nduwèni edisi Basa Walanda

Pirsani informasi ngenani Basa Walanda ing KamusWiki.

• (en) Dutch 101 Dutch for beginners and travelers
• http://en.wikibooks.org/wiki/Dutch Nederlands for English speakers (de Wikibooks)

l • d • s Basa resmi ing Uni Eropah Basa Bulgaria · Basa Ceko · Basa Denmark · Basa Walanda · Basa Inggris · Basa Estonia · Basa Finlandia · Basa Prancis · Basa Jerman · Basa Yunani · Basa Hongaria · Basa Irlandia · Basa Italia · Basa Latvia · Basa Lituania · Basa Malta · Basa Polski · Basa Portugis · Basa Rumania · Basa Slowakia · Basa Slovenia · Basa Spanyol · Basa Swedia

Artikel perkawis basa punika taksih arupi seratan rintisan. Panjenengan saged mbiyantu Wikipedia ngembangaken.