Kembang Sepatu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kembang sepatu
Hibiscus rosa-sinensis
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Malvales
kulawarga: Malvaceae
Genus: Hibiscus
Species: H. rosa-sinensis
Jeneng binomial
Hibiscus rosa-sinensis
L.

Kembang sepatu (Hibiscus rosa-sinensis L.) iku tetanduran semak suku Malvaceae sing asalé saka Asia Wétan lan akèh ditandur minangka tetanduran hias ing dhaérah tropis lan subtropis. Kembangé gedhé, wernané abang lan ora ana ambuné. Kembang saka manéka warna kultivar lan hibrida bisa arupa kembang tunggal (godhong mahkota salapis) utawa kembang dhobel (godhong mahkota malapis-lapis) sing wernané putih nganti kuning, oranye nganti abang tuwa utawa jambon.

Ing Sumatra lan Malaysia, kembang sepatu disebut bunga raya. Kembang iki ditetepaké minangka kembang nasional Malaysia ing tanggal 28 Juli 1960. Wong Jawa nyebut kembang iki kembang worawari.

Dhéskripsi[sunting | sunting sumber]

Kembang sepatu kapérang saka 5 helai godhong kelopak sing direksa déning kelopak tambahan (epicalyx) saéngga katon kaya rong lapis kelopak kembang. Makutha kembang kapérang saka 5 lembar utawa luwih yèn arupa hibrida. Gagang putik wangun silindher dawa diklilingi gagang sari wangun oval kang tetaburan serbuk sari. Wiji ana ing njeron woh wangun kapsul kanthi limang bilik.

Umumé dhuwuré tetanduran sekitar 2 tekan 5 meter. Wangun godhong bunder endhog sing amba utawa bunder endhog sing ciut kanthi pucuk godhong lancip. Ing dhaérah tropis utawa ing omah kaca tetanduran ngembang setaun teras, éwadéné ing dhaérah subtropis ngembang wiwit saka usum panas nganti usum gugur.

Wangun kembang kaya trompet kanthi dhiameter sekitar 5 cm nganti 20 cm. Putik (pistillum) njulur metu saka dhasar kembang. Kembang bisa mekar ngadhep munggah, mudhun, utawa ngadhep nyamping. Umumé, tanduran iki nduwé sifat steril lan ora ngasilaké woh.

Tanduran iki tangkar-tumangkar kanthi cara stèk, cangkok, lan nempel.

Kagunaan[sunting | sunting sumber]

Kembang sepatu akèh didadèkaké tetanduran hias amarga kembangé sing élok. Kembang digunaaké kanggo nyemir sepatu ing India lan minangka kembang persembahan. Ing Tiongkok, kembang sing wernané abang digunaaké minangka bahan pawarna panganan. Ing Indonésia, godhong lan kembang digunaaké ing manéka warna pangobatan tradhisional. Kembang sepatu sing digaringaké uga bisa diombé minangka tèh.

Ing Okinawa, Jepang digunaaké minangka tetanduran pager. Ing sisih kidul Okinawa, tetanduran iki disebut Gushōnu hana (後生花? kembang kauripan sawisé mati) saéngga akèh ditandur ing pasaréan kanggo ndongakaké kebahagiaan ing alam kana.

Khasiat[sunting | sunting sumber]

Kanthi manéka warna lan wangun mahkotané, kembang sepatu katon éndah lan mranani ati wong-wong sing nyawang. Tujuné kembang sing éndah iki gambang banget urip ing Indonésia. Saliyané bisa disawang kaéndahané amarga kembang sepatu iki ngembang setaun teras, kembang iki uga nduwéni khasiat obat.

Kembang iki ngandhut unsur kimia Flavonoida, dat lemak, lan lendhir. Kanthi kandhutan kasebut, saora-orané kembang sepatu bisa nglancaraké haid, nyarasaké watuk lan absès mawa cara;

  1. nglancaraké haid: Jupuk telung kuncup kembang sepatu, campur karo cukak sing dinggo masak sacukupé, dilarutaké nganggo banyu mateng sithik. Saring, banjur diombé sedina pisan, sakwéné telung dina.
  2. Watuk: Jupuk telung kuncup kembang, remes-remes kaliyan 100 ml banyu anget, simpen sewengi ing wadah katutup. Yèn perlu ditambahi sasendhok madu, diombé sedina pisan sakwéné pitung dina.
  3. Absès: Pakar Kasehatan Filipina Hermina de Guzman Ladion nelakaké, kembang sepatu bisa nyarasaké absès. Carané: jupuk 5 lembar godhong lan 2 kuntum kembang, dirajang alus, banjur ditempelaké ing bagéan awak sing kéna absès. lakonana saben ésuk lan soré. (ros/Nova)

Gallery[sunting | sunting sumber]

Pirsanana uga[sunting | sunting sumber]

Daftar pustaka[sunting | sunting sumber]

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:

]

Sumber artikel punika saking kaca situs web: "http://jv.wikipedia.org/w/index.php?title=Kembang_Sepatu&oldid=805833"