Jembatan Adam

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambar Jembatan Adam ingkang kapendhet saking satelit.
Jembatan Adam dipuntingali saking udhara.

Jembatan Adam, ugi dipunsebut Rama Setu ateges "Jembatan Rama", inggih punika rantai watu kapur antawisipun pulo Mannar, ing caket Sri Lanka barat laut lan Rameswaram, ing panté tenggara India. Miturut kapitadosan Hindu, jembatan punika dipunbangun déning Rama, inkarnasi Déwa Wisnu, kanggé nylametaken Sita ingkang dipunculik dhateng Alengka déning Rahwana, kados ingkang dipunserat wonten ing kisah Ramayana. Kathah inskripsi, koin, pandom pangembara sepuh, referensi dangu, péta religius kuno nandhakaken struktur punika dipunanggep suci déning umat Hindu.[1][2][3]

Nama[sunting | sunting sumber]

Jembatan punika kapisanan dipunsebutaken wonten ing wiracarita kanthi basa Sanskerta, Ramayana, gubahan Walmiki. Donya kilén kapisanan manggihaken wonten ing buku "karya sajarah wonten ing abad ke-9" déning Ibnu Khordadbeh wonten ing Buku tentang Jalan dan Negara (sakitar 850 M), ngrujuk dhateng papan ingkang dipunsebut Set Bandhai utawi "Jembatan Laut".[4]

Nama Jembatan Rama utawi Rama Setu (saking basa Sanskerta; Setu ateges jembatan) kaparingaken dhateng bentang alam mirip jembatan punika wonten ing Rameshwaram, amargi legénda Hindu gidentifikasikaken minangka jembatan ingkang dipunbangun déning Wanara (manungsa kethèk), tentara Rama, ingkang dipunginakaken nyebrang dhateng Alengka lan nylametaken garwanipun, Sita saking raja Rakshasa, Rahwana, kados ingkang dipuncariyosaken wonten ing wiracarita Ramayana.

Amargi misahaken laut India lan Sri Lanka, wilayah punika dipunsebut Sethusamudram ingkang ateges "Jembatan Laut". Pétanipun dipundamel déning tukang damel péta Belanda wonten ing taun 1747, sumimpen wonten ing Perpustakaan Saraswati Mahal ing Tanjore, nedahaken wilayah punika minangka Ramancoil, saking basa Tamil "Raman Kovil" (Kuil Rama)[5] Péta sanès dipunsusun déning J. Rennel taun 1788 kapendhet saking perpustakaan ingkang sami, nyebut daerah punika minagka Kuil Rama.[6] Peta lainnya terdapat di atlas sejarah Schwartzberg[7][8] lan sumber-sumber ingkang sanès nyebut daerah kanthi kathah nama kados koti, Sethubandha lan Sethubandha Rameswaram.[9][10][11][12] Ramayana gubahan Walmiki ngandharaken pembangunan jembatan punika wonten ing sangandhaping komando Rama wonten ing ayat 2-22-76.[13]

Péta kapisanan ingkang nyebut daerah punika Jembatan Adam (Adam's bridge) dipundamel dvning tukang damel péta saking Inggris wonten ing taun 1804, ngrujuk dhateng legénda Islam, ingkang ngandharaken bilih Nabi Adam migunakaken jembatan kanggaé dumugi Puncak Adam wonten ing Sri Lanka, ing pundi piyambakipun jumeneng tobat kanthi satunggal samparan sadanguning 1.000 taun , ninggalaken tandha arupi bolongan ageng kados tapak suku. Ingkang pucuk punapa déné jembatan dipunsukani nama miturut legenda punika.[3][14]

Cathetan Suku[sunting | sunting sumber]

Pranala Njaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Jembatan_Adam&oldid=882204"