Iwak Kapar

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kapar
Kapar, Belontia hasselti
saking Toba, Sanggau, Kalbar
Klasifikasi èlmiah
krajan: Animalia
filum: Chordata
kelas: Actinopterygii
ordo: Perciformes
kulawarga: Osphronemidae
Genus: Belontia
Species: B. hasselti
Jeneng binomial
Belontia hasselti
(Cuvier in Cuvier & Valenciennes, 1831)
Sinonim

Polyacanthus einthovenii,
Polyacanthus hasselti,
Polyacanthus helfrichii,
Polyacanthus kuhli,
Polyacanthus olivaceus

Kapar, Ketoprak, utawi Beloncah ( Belontia hasselti ) menika nama jinising iwak saking suku gurami-guramian ( Osphronemidae ). Ulam menika ugi kawéntar kanthi nama sanès kadosta kakapar, kopar, selincah ( Basa Melayu, Sumatra, lan Kalimantan ), kumpang ( Kalimantan Barat ) utawi ketoprak, tambakan ( dialek Betawi ). Ulam menika kathah dipunpanggihaken wonten ing perairan gambut ingkang padatanipun dipunkonsumsi ugi dipunsadé minangka iwak hias. Wonten ing Basa Inggris ulam menika dipunwastani Javan combtail utawi Malay combtail.

Morfologi[sunting | sunting sumber]

Ulam menika kagungan bentuk awak pipih radi wiyar kanthi dawa total dumugi 19,5 cm [1]. Moncongipun runcing kados iwak sepat, ananging cambuk sirip wetengipun boten dawa sanget. Sirip dorsal (punggung) kapérang wonten 16 - 20 jari-jari eri keras lan 10 -13 jari-jari lunak. Sirip analipun 15 - 17 lan 11 - 13. Awakipun gadhah werni radi coklat, kanthi pinggiripun warni ireng ing saben sisikipun. Buntut kanthi pola jala ugi ngandhut warni ireng. Ulam ingkang tasih enèm wonten warni ireng ing pangkal sirip punggung sisih wingking [2].

Pamanfaatan[sunting | sunting sumber]

Ulam Kapar nyebar kanthi alami wonten ing Semenanjung Malaya, Singapura, lan Kepuloan Sunda Besar ( Sumatra, Kalimantan, lan Jawa mliginipun ing sekitaran kutha Jakarta ). Ulam menika gesang wonten ing kali lan tlaga. Padatanipun ulam kapar menika saged dipuncekel ngginakaken jala utawi saged ugi ngginakaken pancing. Ananging samenika ulam menika dipunremeni minangka ulam hias. Ing Eropa kapisan ngimpor jinis ulam menika nalika taun 1968 saking Singapura ingkang dipunlebetaken dhateng negara Jerman[3].

Habitat[sunting | sunting sumber]

Kondisi lingkungan ingkang cocok kangge Belontia hasselti inggih menika toya kanthi temperatur 22–28 °C, lan pH 6,5 - 8,0. Jinis Ulam menika gadhah kebiasaan tilem ingkang nyleneh inggih menika namung meneng boten gerak ing dhasaring toya anggènipun mapan, kadang kala katingal kados mati [3].

Etimologi[sunting | sunting sumber]

Ulam kapar menika kapisan dipundamel deskripsinipu dening G. Cuvier lan A. Valenciennes ing taun 1831 kanthi nama Polycanthus hasseltii. Nama spesies dipunparingi kanggé ngurmati j.C. Van Hasselt, satunggalung ahli biologi lan naturalis ingkang kerja ing Hindia Belanda. Nama marga Belontia ( Myers, 1923 ) dipunpendhet saking belonca utawi beloncah inggih menika nama lokal ing sekitar Palembang.

Cathetan suku[sunting | sunting sumber]

  1. ^ Weber, M. and L.F. de Beaufort. 1922. The Fishes of The Indo-Australian Archipelago. E.J. Brill. Leiden. IV:338-339 ((sebagai Polyacanthus hasselti)
  2. ^ Kottelat, M., A.J. Whitten, S.N. Kartikasari, S. Wirjoatmodjo. 1993. Ikan Air Tawar Indonesia Bagian Barat dan Sulawesi. Periplus Edition (HK) Ltd. dan Proyek EMDI KMNKLH Jakarta. Hal. 223 dan Pl. 75.
  3. ^ a b Belontia hasselti Cuvier & Valenciennes, 1831, AquaWorld
Sumber artikel punika saking kaca situs web: "http://jv.wikipedia.org/w/index.php?title=Iwak_Kapar&oldid=851541"