Imhotep

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Patung Imhotep ing Louvre

Imhotep (sok diéja Immutef, Im-hotep, utawa Ii-em-Hotep, Mesir: ii-m-ḥtp) iku arsitèk lan dokter sepisanan sing dikenal ing sajarah. Minangka salah siji tangan tengené Pirangon Djosèr, panjenengané nggawé Piramida Djzosèr ing Saqqara, Mesir kurang luwih taun 2630-2611 SM, sawéné pamaréntahan dinasti katelu Mesir. Dimungelaké, panjenengané iku wong sing sepisanan migunaaké cagak ing arsitèktur. Jenengé ateges wong ing katentreman.

Imhotep nyambut gawé minangka kanselir kanggo pirangon lan pandhita dhuwur déwa Ra ing Heliopolis. Panjenengané iku putra saka Ptah. Panjenengané iku wong sing pinter banget, mila diwènèhi akèh gelar. Gelar lengkapé yaiku: Kanselir Mesir Ngisor, Sing Sepisanan sawisé Raja Mesir nDuwur, Administrator Istana Agung, Katurunan Bangsawan, Pandhita Dhuwur Helopolis, Pambangun, Pamahat, lan Ahli Panggawé Jambangan. Imhotep dikenal minangka pangadeg kadokteran Mesir kuna, lan panulis saka papirus Edwin Smith, sing isiné ngenani kutukan, panyakit ènthèng lan observasi anatomi.

Rong éwu taun sawisé patiné, kalungguhané diangkat dadi déwa. Imhotep dadi déwa kadokteran lan panyarasan, kaya Asclepius ing kabudayan Yunani kuna.

Papan pakuburané Imhotep nganti saiki during dimangertèni. Para ahli sajarah Mesir wis nyoba nggolèki nanging tekan saiki during ditemokaké. Akèh sing percaya yèn kuburané ana ing Saqqara.


Sumber artikel punika saking kaca situs web: "http://jv.wikipedia.org/w/index.php?title=Imhotep&oldid=814589"