Hesperides

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Wonten ing mitologi Yunani, Hesperides (basa Yunani: Ἑσπερίδες) menika para nimfa ingkang remen nembang (nyanyi) lan mapan wonten ing taman ingkang éndah ing pojok kilen donya, wonten ing caketipun paredèn Atlas [1]. Déné miturut penyair Yunani saking Sisilia, Stesikhoros, para Hesperides mapan wonten ing Tartessos, satunggaling papan ing bagéyan kidul semenanjung Iberia. Wonten tiga Hesperides, salah satunggalipun menika Hesperis utawi Hesperus ingkang kalebet nimfa senja.

Taman Hesperides[sunting | sunting sumber]

Kebon Hesperides, karyanipun Lord Leighton Frederick, 1892.

Taman Hesperides inggih menika kebon kagunganipun Hera. Ing taman menika tuwuh wit ingkang wohipun apel emas [2]. Wit apel menika dipuntandur saking pang (ranting) ingkang dipunparingaken Gaia dhateng Hera minangka bebungah (hadiah) nikahanipun Hera kalihan Zeus . Para Hesperides dipunparingi tugas supados ngrawat kebon menika, ananging kadang kala piyambakipun ngopek kangge awakipun piyambak. Ananging amargi boten pitados marang para Hesperides, Hera lajeng mapanaken naga kanthi sirah satus ingkang boten nate sare kanthi nama Ladon minangka tambahan kangge njagi kebon kasebut.

Tugas kaping sewelas Herakles[sunting | sunting sumber]

Sasampunipun Herakles ngrampungaken tugas ingkang kaping sedasa, Euristheus maringaken tugas tambahan kalih. Ingkang kapisan menika nyolong apel saking kebonipun Hesperides. Herakles lajeng nyekel Nereus (dewa laut ingkang ahli ngewahi wujudipun) supados mangertos papan kebon Hesperides. Wonten ing lelampahanipun, Herakles kepanggih kalihan Antaios ingkang boten saged kalah nalika kalihan ibunipun, Gaia (bumi). Herakles mateni Antaeus kanthi cara dipunangkat dhuwur sanget lan dipunremukaken ing angin. Miturut Herodotos, Herakles ugi nate mandeg ing juga sempat berhenti di Mesir. Raja Busiris ngersakaken ndadosaken Herakles korban taunan, ananging Herakles saged ucul saking rante ingkang kaginakaken kangge naleni Herakles.

Sasampunipun dugi ing kebon Hesperides, Herakles nyuwun Atlas supados mendhet apel emas kangge piyambakipun. Herakles nawekaken piyambakipun kangge mikul langit lajeng Atlas mendhet apel (wonten ing versi menika Atlas kasebut bapak saking para Hesperides). Sasampunipun kondur Atlas boten purun malih mikul langit lan nawekaken piyambakipun supados ngeterke apel menika. Herakles lajeng sarujuk kanthi syarat Atlas purun mikul langit sekedhap malih dene Herakles ngleresaken posisi jubahipun supados langkung kepenak. Atlas sarujuk, ananging sasampunipun Atlas mikul langit malih, Herakles langsung mbeta apelipun lan kesah. Miturut versi sanesipun, Herakles mateni Ladon supados pikantuk apelipun.

Cathetan suku[sunting | sunting sumber]

  1. ^ http://satulingkar.com/detail/read/10/297/hikayat-sebuah-taman, (id) Hikayat sebuah taman (dipunakses tanggal 31 Januari 2013).
  2. ^ http://id.prmob.net/apel/aphrodite/mcintosh-852760.html, (id) Apel dan peran mereka dalam waktu (dipunakses tanggal 31 Januari 2013).

Pranala njawi[sunting | sunting sumber]

Cithakan:Tugas Herakles

Sumber artikel punika saking kaca situs web: "http://jv.wikipedia.org/w/index.php?title=Hesperides&oldid=836587"