Harold C. Urey

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Harold Clayton Urey
Harold Urey, c. 1963
Harold Urey, c. 1963
Miyos 29 April 1893
Walkerton, Indiana, Amerika
Tilar donya 5 Januari 1981 (umur 87)
La Jolla, California, Amerika
Kabangsan Amerika Serikat
Bidhang Kimia fisik
Lembaga University of Copenhagen
Johns Hopkins University
Columbia University
Institute for Nuclear Studies
University of Chicago
University of California, San Diego
Lulusan saking University of Montana
University of California, Berkeley
Doktoral advisor Gilbert N. Lewis
Doctoral students Stanley Miller
Kaahlian discovery of deuterium
Miller–Urey experiment
Urey–Bradley force field
Notable awards Penghargaan Nobel Kimia (1934)
Medali Davy (1940)
Medali Franklin (1943)
Fellow of the Royal Society[1]
Tapak asma
Harold Clayton Urey's signature

Harold Clayton Urey (lair 29 April 1893 – tilar donya 5 Januari 1981 kanthi umur87 taun) inggih punika salah satunggaling kimiawan Amerika Serikat ingkang nyinaoni babagan isotop. Urey pikantuk Penghargaan Nobel bidang Kimia nalika taun 1934. Urey ugi ngandharaken teori evolusi planet.

Biografi[sunting | sunting sumber]

Urey miyos wonten ing Walkerton, Indiana, Amerika Serikat. Urey pikantuk gelar kesarjanaan wonten ing bidang zoologi saking Universitas Montana lan doktor wonten ing bidang kimia amargi nyinaoni termodinamika wonten ing ngandhap bimbingan Gilbert N. Lewis saking Universitas California, Berkeley.[2]

Wonten ing Berkeley, Urey dipunlibataken wonten ing pekerjaan fisikawan Raymond T. Birge lan lajeng kagabung kaliyan Niels Bohr wonten ing Kopenhagen, Denmark saperlu nyinaoni struktur atom wonten ing Institute for Theoritical Physics Kopenhagen. Sabbaripun wangsul dhateng Amerika Serikat nalika taun 1924, piyambakpun ngajar ing Johns Hopkins University lan wonten ing Columbia University ing pundi piyambakipun damel tim sesarengan kaliyan Rudolph Schoenheimer, David Rittenberg lan T. I. Taylor.[3]

Nalika punika, Urey ngisolasikaken unsur deuterium kanthi kaping kathah nindakaken distilasi tumrap tuladha hidrogen cair. Nalika taun 1931, Urey lan kelompokipun nindakaken demonstrasi kawontenan air berat. Urey lajeng dipunparingi Penghargaan Nobel rikala taun 1934 amargi panalién kasebut.

Sadangunipun Perang Dunia II, Urey lan timipun makarya wonten ing sajumlah panalitén ingkang lajeng ngarah dhateng proyek Manhattan saperlu ngembangaken bom atom kanggé Amerika Serikat. Bab wigati ingkang dipuncapai saking panalitén inggih punika metode pemisahan isotop ingkang dipunginakaken saperlu misahaken isotop uranium-235 saking uranium-238. Nalika musim gugur taun 1941, Urey sesarengan kaliyan G. B. Pegram mimpin misi diplomatik dhateng Britania Raya saperlu mbentuk kerjasama wonten ing pangembangan bom atom.[4]

Sabibaripun perang, piyambakipun dados profesor wonten ing bidang kimia ing Institute for Nuclear Studies. Urey lajeng mbiyantu ngembangaken bidang ilmu cosmochemistry. Piyambakipun lajeng nyerat buku kanthi judul The Planets: Their Origin and Development (1952) ingkang wosipun kasil-kasil panaliténipun. Urey kagungan spekulasi bilih asal-usul atmosfer bumi kasungsun saking amonia, metana lan hidrogen. Bab punika dipuntedahaken déning siswanipun, Stanley L.Miller, bilih menawi campuran kasebut dipunpaparaken ing radiasi ultraviolet lan toya, badhé ngasilaken asam amino, inggih punika rante pambangun ingkang badhé mbentuk satunggaling pagesangan. Éwadéné mekaten, para ilmuwan wonten ing wekdal punika langkung pitados bilih atmosfer bumi wiwitanipun kasungsun saking karbon dioksida lan uap air[5].

Urey séda wonten ing La Jolla, California, lan dipunsarekaken wonten ing pasarean Fairfield wonten ing DeKalb County, Indiana.

Kejawi pikantuk penghargaan Nobel, Urey ugi pikantuk medali emas saking Royal Astonomical Society nalika taun 1966. Kejawi punika, saperlu maringi pakurmatan saking jasa-jasanipun, nama Urey ugi dipunabadikaken minangka salah satunggaling nama kawah wonten ing bulan (kawah Urey), nama asteroid (4716 Urey) lan penghargaan H. C. Urey inggih punika penghargaan ingkang dipunaringaken dhumateng para astronom déning American Astronomical Society.[6]

Cathetan Suku[sunting | sunting sumber]

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Harold_C._Urey&oldid=870627"