Garis bujur

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Peta Bumi, nuduhaké garis -garis bujur, sing katon mlengkung lan vertikal ing proyeksi iki, nanging sakbeneré garis-garis bujur kasebut minangka setengah saka lingkaran besar bumi.

Bujur kadhangkala dinotasèkaké nganggo abjad Yunani λ, nggambaraké lokasi sawijining papan panggonan ing wétan utawa kulon Bumi, saka garis lor-kidul sing disebut Meridian Utama. Garis bujur diwènèhaké miturut pangukuran sudut sing berkisar wiwit 0° ing Meridian Utama nganti +180° arah wétan lan −180° arah kulon. Ora kaya lintang sing nduwèni ekuator minangka posisi awal alami, ora ana posisi awal alami tumrap bujur. Amarga saka kuwi, sawijining dhasar meridian kudu dipilih. Senajan kartografer Britania Raya wis suwé migunakaké meridian Observatorium Greenwich ing London, referensi liyané dipigunakaké ing papan sing béda, klebu Ferro, Roma, Kopenhagen, Yerusalem, Saint Petersburg, Pisa, Paris, Philadelphia, lan Washington, D.C.. Ing taun 1884, Konferensi Meridian Internasional ngadopsi meridian Greenwich minangka Meridian utama universal utawa titik nol bujur.

Jroning basa Indonesia bujur ing sisih kulon Meridian diwènèhi jeneng Bujur Barat (BB), lan bujur ing sisih wétan Meridian dijenengaké Bujur Timur (BT). Jeneng-jeneng iki ora dikenal ing basa Inggris. Bujur Barat lan Bujur TImur minangka garis khayal sing ngubungaké titik Kutub Lor karo Kutub Kidul bumi lan nyatakaké gedhéné sudut antara posisi bujur karo garis Meridian. Garis Meridian dhéwé yakuwi bujur 0 derajat.


Deleng uga[sunting | sunting sumber]

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Garis_bujur&oldid=825427"