Cyanobacteria

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Cyanobacteria
Anabaena sphaerica (Nostocales)
Klasifikasi èlmiah
krajan: Bacteria
divisio: Cyanobacteria

Alga ijo-biru (Cyanophyta) iku sebeneré organisme prokariotik sing mèmper karo alga yaiku ing habitaté lan ing cara fotosintesisé.[1] Sebeneré alga ijo-biru iki luwih cedhak karo baktéri tinimbang alga dadi panliti luwih seneng ngarani organisme iki cyanobacteria utawa baktéri ijo-biru.[1]

Senajan alga ijo-biru iku fotosintesis lan sifaté prokariotik, nanging alga ijo-biru iku béda karo baktéri fotosintetik.[1] Klorofilé iku klorofil a, yaiku molekul sing padha karo klorofil sing ana ing alga lan ing tetanduran.[1] Alga ijo-biru bisa nganggo banyu dadi sumber èlèktron lan kelawan ngrédhuksi karbon dhioksidha dadi karbohidrat.[1] Réaksiné iku kaya ngéné:

CO2 + 2H20 --> (CH2O) + H2O+O2[1]

Padha kaya baktéri peluncur, alga ijo-biru iku kebungkus ing njero dhindhing peptidoglikan sing diubengi déning selubung sing ana getahé.[1] Saliyané klorofil lan béta-karotèn, alga ijo-biru duwé siji utawa loro pigmèn tambahan yaiku pigmèn biru utawané fikosianin lan pigmèn abang sing dijenengi fikoeritrin.[2] Campuran prasaja klorofil, fikosianin lan pigmèn ing sapérangan spesies sing duwé fikovretrin katoné warnané abang, ungu, soklat, lan ireng.[2]

Cathetan sikil[sunting | sunting sumber]

  1. ^ a b c d e f g (id)(Anshori, Moch. , Martono, D.(2009)."Biologi 1 untuk Sekolah Menengah Atas (SMA) – Madrasah Aliah(MA) Kelas X (BSE)".Jakarta:Pusat Perbukuan, Depdiknas. Hal.98)
  2. ^ a b (id)(Anshori, Moch. , Martono, D.(2009)."Biologi 1 untuk Sekolah Menengah Atas (SMA) – Madrasah Aliah(MA) Kelas X (BSE)".Jakarta:Pusat Perbukuan, Depdiknas. Hal.99)
Sumber artikel punika saking kaca situs web: "http://jv.wikipedia.org/w/index.php?title=Cyanobacteria&oldid=832302"