Alga

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Alga

Alga (jamak Algae) utawa kerep uga disebut ganggang iku saklompok organisme autotrof sing ora nduwèni organ kanthi prabédan fungsi sing nyata. Alga malah bisa dianggep ora nduwèni "organ" kaya sing diduwèni tetanduran (oyot, wit, godhong, lan sapanunggalané). Amarga saka kuwi, alga digolongaké uga minangka tetanduran talus. Alga nyakup organisme mawa sèl siji (uniselular) sarta mawa sèl akèh (multiselular).

Klompok-klompok alga[sunting | sunting sumber]

Jroning pustaka-pustaka biyèn, alga mesthi gagal diusahakaké mlebu jroning sawijining klompok, sing sèlé siji uga sing sèlé akèh. Salah siji contoné yaiku pamisahan alga kanthi sèl siji (upamané Euglena jroning Protozoa) saka alga kanthi sèl akèh (jroning Thallophyta). Ing tembé wuri disadhari sapenuhé yèn panglompokan minangka sawijining klad ora mungkinaké kanggo kabèh alga, malah sawisé dipisahaké adhedhasar organisasi sèlé, amarga sebagéyan alga mawa sèl siji luwih cerak kerabaté karo alga mawa sèl akèh tinentu.

Saiki, alga ijo dilebokaké jroning klompok (klad) sing luwih cecerakan karo kabèh tetanduran fotosintetik (mbentuk klad Viridiplantae). Alga abang arupa klompok dhéwé (Rhodophycophyta utawa Rhodophyceae); semono uga alga pirang (Phaeophycophyta utawa Phaeophyceae) lan alga kaemasan (Chrysophyceae).

Alga prokariotik[sunting | sunting sumber]

Alga ijo-biru utawa Cyanobacteria mlebu jroning klompok baktèri. Cyanobacteria ndarbèni struktur sèl prokariotik kayadéné baktèri, lan bisa ngayahi fotosintesis langsung amarga nduwèni klorofil. Sadurungé, alga iki dikenal kanthi sebutan Cyanophyta lan bebarengan karo baktèri klebu karajan Monera. Ananging jroning perkembangan sabanjuré, diweruhi yèn alga iki nduwèni karakteristik baktèri saéngga dilebokaké jroning klompok baktèri (Eubacteria).

Alga eukariotik[sunting | sunting sumber]

Alga liyané nduwèni struktur sèl eukariotik lan bisa ngayahi fotosintesis liwat kloroplas.

Alga eukariotik nyakup:

Sumber artikel punika saking kaca situs web: "http://jv.wikipedia.org/w/index.php?title=Alga&oldid=821725"