Cheonggukjang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Cheonggukjang

Cheonggukjang dipunmasak dados Cheonggukjang jjigae
Jeneng Koréa
Hangeul 청국장
Hanja
Alih Aksara sing disampurnakaké cheonggukjang
McCune–Reischauer ch'ŏnggukchang

Cheonggukjang inggih menika doenjang, pasta dangsul Korea ingkang dipundamel pinten dinten kemawon, julukanipun menika "pasta dansgul cepet".[1]

Cheonggukjang katingal sami kalihan doenjang saking penampilan ananging cara lan wekdal anggènipun damel ingkang bènten saéngga rasa lan aromanipun ugi bènten. Nalika pasta dangsul dumugi dados meju (pasta garing) kirang langkung 2-3 dinten sampun saged dipunginakaken kanggé masak jjigae.[2]

Sajarah[sunting | sunting sumber]

Wonten manéka teori ingkang nyebataken asal usul cheonggukjang, ing antawisipun saking periode Tiga Kerajaan Korea (57 SM-935 M).[3] Tiyang Goguryeo ingkang nitih jaran minangka piranti trasnportasi mbeta dangsul godhog ingkang dipungandhulaken ing celakipun sadel jaran minangka dhaharan nalika lelampahan. Amargi dangsul kénging awakipun jaran (38-40 derajat Celcius) saéngga damel dangsul kasebut nglampahi fermentasi kanthi alami. Cheonggukjang ugi dipunsebat wonten ing sajarah Silla kanthi istilah yeomsi.

Adhedhasar dokumen saking Dinasti Joseon ingkang dipunserat déning sarjana kanthi nama Hong Man-seo kanthi irah-irahan Sanrimgyeongje (Buku Kehutanan dan Ekonomi), nama wiwitan cheonggukjang menika jeongukjang utawi pasta dangsul perang ingkang saged dipundamel wonten ing periode perang. Miturut Jeungbosanrim gyeongje (Buku Rincian Kehutanan dan Ekonomi), cheonggukjang dipundamel 3 dinten kanthi cara dangsul ingkang sampun dipunkumbah lan dipungodhog kasebut dipunfermentasi lajeng dipunbungkus ngginakaken damen pari. Teori sanèsipun nyebataken bilih cheonggukjang menika asalipun saking Cina ingkang dipuntepangaken nalika masa pamaréntahan Raja Yeongjo taun 1760.[1] Tembung cheong ing cheonggukjang tumuju dhateng Dinasti Cheong (Qing).[1]

Caranipun damel[sunting | sunting sumber]

Dangsul utawi dhelé ingkang sampun dipunkom ing toya 12 jam lajeng dipungodhog ing mawi geni ingkang ageng. Nalika sampun umub, geninipun dipunkirangi dumugi dangsul kasebut warninipun dados coklat. Lajeng dangsul kasebut dipunparingaken ing damèn lan dipunbungkus ngginakaken gombal sapados saged fermentasi. Proses fermentasi dipunwontenaken 2 dumugi 3 dinten kanthi suhu ingkang anget. Wonten ing proses menika medal bakteri Bacillus ingkang mengurai protein dangsul dados asam amino. Bibar 3 dinten, dangsul kasebut dados radi ireng lan medalaken cairan kados keju. Proses menika ugi ngasilaken sekedhik amonia ingkang damel ambunipun cheonggukjang langkung krasa sanget tinimbang doenjang. Samenika cheonggukjang sampun saged dipunginakaken kanthi cara dipuntumbuk alus lan dipunparingi bumbu jae, bawang, sarem, lada, lan lombok abang.

Mupangat kanggé kasarasan[sunting | sunting sumber]

Laré-laré lan priyantun enèm saperangan ageng nyingkiri dhaharan ingkang mawi bahan cheonggukjang. Sanajan mekaten, panalitèn nedahaken bilih cheonggukjang menika dhaharan ingkang damel awak waras. Bakteri ingkang paring mupangat menika anama Bacillus Subtlis ingkang urip wonten ing njeronipun lan saged mengurai protein dangsul dados asam amino lan saponin. Saponin saged nahan sèl-sèl kanker, nebihaken saking stroke lan demensia.

Cathetan suku[sunting | sunting sumber]

  1. ^ a b c Sŏ, Chŏng-su; Bernard Rowan, Yoon-jung Cho (2004). Encyclopedia of Korean culture. Seoul: Hansebon. ISBN 8-9747-6148-3.
  2. ^ Korean Food: Stews, lifeinkorea.
  3. ^ Cheonggukjang-jjigae, hansik.
Sumber artikel punika saking kaca situs web: "http://jv.wikipedia.org/w/index.php?title=Cheonggukjang&oldid=840071"