Brie

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kèju Brie

Cithakan:Infobox Cheese

Brie inggih menika kèju mawi tèkstur ingkang lunak saking susu sapi ingkang dipunpasteurisasi ingkang asalipun saking Perancis. Brie menika dipunproduksi ing dhaérah Ile-de-France ingkang manggèn wonten ing sisih wétan kutha Paris. Sadèrèngipun transportasi ing Perancis mekar, kèju menika boten saged dipunkirim dhateng dhaérah sanès kejawi kutha Paris, saéngga tiyang-tiyang asring nyebat "kèju Paris". Kéju Brie Perancis asli ngginakaken susu sapi ingkang boten dipunpasteurisasi saéngga raosipun langkung komplèks.[1] [2] Déné kèju Brie ingkang dipunekspor dhateng negara sanès menika ngginakaken susu sapi ingkang dipunpasteurisasi saéngga saged tahan langkung dangu lan boten gampil kénging infeksi saking bakteri.[1] [2]

Sajarah[sunting | sunting sumber]

Brie ingkang dipunsebat minangka "raja" utawi "ratu" keju menika sampun dipunmangertosi saking abad kaping 8.[1] [2] [3] [4] Atusan taun kepengker, kèju Brie dipuncaosaken minangka upeti dhumateng raja-raja Perancis ing zaman kasebut.[1] Bukti sinerat ingkang paling tua babagan kèju menika kapanggihaken wonten ing taun 774 M.[5] Charlemagne, panguwaos Perancis kala menika nyobi kèju Brie lajeng paring dhawuh supados kalih tumpuk kèju kasebut dipunkirim marang piyambakipun saben taun. [5] Raja Louis XVI ugi remen kalihan kèju menika.[3] [5] Miturut cariyosipun, nalika piyambakipun nembé sekarat menika nyuwun dipunsajèkaken kèju Brie minangka sajèan ingkang pungkasan.[3] [5] Amargi kondhangipun ing kalangan kerajaan, kèju Brie pikantuk ajejuluk "Raja Kèju lan Kèju Raja-raja" (Roi de Fromages et Fromage de Rois) déning Androuet lan Chabot ing taun 1985.[6]

Wujud lan tèkstur[sunting | sunting sumber]

Keju menika gadhah wujud bunder kados kue mawi 25 cm dumugi 40 cm. Kèju mawi diameter 15 cm dumugi 22 cm ugi kénging kanggé sesadéan. Bobot saking kèju Brie menika kirang langkung antawisipun 1 kg dumugi 2 kg.[1] Kèju Brie saged dipunpanggihaken dipunsadé wonten ing wungkusan kotak kayu. [1]

Proses damel Kèju Brie[sunting | sunting sumber]

Kanggé damel kèju Brie menika dipunginakaken susu sapi ingkang dipunpanasaken dumugi boten langkung saking 37 °C lan rennet ugi dipuntambahaken.[6] [5] Dadih lajeng dipuncithak kanthi ngginakaken séndhok ageng ingkang wonten bolonganipun ingkang dipunwastani pelle à brie.[5] [7] Lajeng dadih kasebut dipunsukaken ing cithakan lan dipungaringaken setunggal dinten.[3] [4] Lajeng dipuntambah malih kalihan sarem kanggé ngimbangi rasa legi saking susu ingkang dipunginakaken.[5] Sadèrèngipun dipunmatengaken, jamur Penicillium camemberti kaginakaken saéngga kadhapuk kulit kanthi werna putih ing bagéyan njawi kèju.[6] [4] [5] Proses ingkang pungkasan menika pematengan wonten ing gudhang ngandhaping lemah utawi gua ingkang nelasaken wekdal paling sekedhik sekawan minggu.[5] [4] [3]

Jinis[sunting | sunting sumber]

Keju Brie de Melun.

Wonten manéka variasi saking kèju Brie asli ingkang saged dipunpanggihaken, ananging naming kalih jinis kèju Brie ingkang pikantuk sertifikasi AOC.

Kèju Brie AOC[sunting | sunting sumber]

Brie de Meaux[sunting | sunting sumber]

Kèju kanthi bobot 2.5 - 3 kilogram menika wiwitanipun dipundamel wonten ing Meaux, ing dhaerah Brie. [8] Brie de Meaux dipundamel saking susu sapi mentah nalika wulan Juli dumugi Maret.[8] Tèkstur saking kèju menika lembut kanthi werna ingkang éwah dados kuning pucet nalika mateng.[8] Permukaan saking kèju menika werninipun putih mawi bintik-bintik werna jingga.[8]

Brie de Melun[sunting | sunting sumber]

Brie de Melun menika gadhah raos ingkang langkung landhep lan ugi langkung asin tinimbang Brie de Meaux. Saking ukuranipun, Brie de Melun gadhah diameter ingkang langkung alit saengga dipunwastani minangka "adhi" saking Brie de Meaux. Benten kalihan Brie de Meaux, Brie de Melun boten ngginakaken rennet nalika proses koagulasi wonten ing susu ananging ngginakaken bakteria asam laktat lan mbetahaken wekdal ingkang langkung dangu. Wekdal paling sekedhik ingkang dipunbetahaken nalika proses koagulasi wonten ing Brie de Melun menika 18 jam, dene wonten ing Brie de Meaux namung 30 menit.

Keju Brie sanèsipun[sunting | sunting sumber]

Coulommiers[sunting | sunting sumber]

Asalipun menika saking kutha ingkang sami kaliyan kèju kasebut inggih menika Coulommiers ing Ile-de-France. Kèju menika ngginakaken prosès pematengan kalih minggu. Ukuran saking kèju menika 1/3 saking ukuran kèju Brie paling ageng mawi rasa ingkang alus. Amargi dipunproduksi déning industri lajeng kèju menika saged dipunpanggihaken wonten ing pundi kemawon lan wayah menapa kemawon.

Fougeru[sunting | sunting sumber]

Kèju menika sekedhik bènten kaliyan kèju Brie sanèsipun amargi ing permukaan kèju menika dipuncaosi godhong pakis. Rasa lan metode anggènipun damel kèju menika wonten miripipun kalihan Coulommiers.

Brie Jerman[sunting | sunting sumber]

Brie Jerman menika kalebet tiruan saking Brie Perancis. Bobot saking Brie Jerman menika kirang langkung 1 kg dumugi 3 kg ingkang dipunmatengaken kanthi maksimal 4 minggu. Kèju menika ugi wonten ingkang dipuncaosi rempah-rempah ingkang dipuntambahaken dhateng kèju sadèrèngipun dipunmatengaken.

Brie saking susu menda[sunting | sunting sumber]

Kèju menika boten ngginakaken susu sapi, ananging susu menda. Werna saking kèju menika langkung enem tinimbang kèju Brie ingkang kadamel saking susu sapi.

Pirsani ugi[sunting | sunting sumber]

Cathetan suku[sunting | sunting sumber]

  1. ^ a b c d e f (en) Brie, Cheese.com. Diakses tanggal 27 Maret 2013.
  2. ^ a b c (en) What is Brie Cheese?, About.com. Diakses tanggal 27 Maret 2013.
  3. ^ a b c d e (en) Brie, Ile de France. Diakses tanggal 27 Maret 2013.
  4. ^ a b c d (en) What is Brie?, Wise Geek. Diakses tanggal 27 Maret 2013.
  5. ^ a b c d e f g h i (en) The History of Brie Cheese, World Village. Diakses tanggal 27 Maret 2013.
  6. ^ a b c (en) Davidson, Alan (2006). The Oxford Companion to Food. Oxford University Press. ISBN 978-0-19-280681-9. Page 106,161.
  7. ^ (en) Brie, Cheese-France. Dipunakses tanggal 27 Maret 2013
  8. ^ a b c d (en) Brie de Meaux, The World Wide Gourmet. Dipunakses tanggal 27 Maret 2013.

Pranala njawi[sunting | sunting sumber]

Logo Wikimedia Commons
Pirsani galeri bab Brie ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Brie&oldid=882044"