Biologi seganten

Saka Wikipédia Jawa, bauwarna mardika basa Jawa
(Kaelih saka Biologi kelautan)
biologi seganten

Biologi seganten inggih punika salah satunggaling elmi ingkang ngrembag babagan pagesangan makluk urip ing laut (makluk urip saha interaksinipun wonten ing lingkunganipun). Kathah prakawis ingkang njalari tiyang kedah sinau biologi laut amargi laut punika nyamektakaken sumber panganan, obat, bahan dhasar, rekreasi, lan pariwisata. Biologi kalautan punika nyangkup skala ingkang ageng saking makluk gesang ingkang mikro kados ta plankton lan fitoplankton ngantos kéwan-kéwan ingkang ageng kados ta paus. Sanajan ta laut punika wewengkonipun ingkang 71% wonten ing raining planit bumi, amargi jeronipun laut sakitering 300 langkung ageng saking volumenipun ingkang dipundadosaken papan dumunungipun manungsa. Tiyang ingkang sinau kanthi tumemen bab bilogi kalautan punika dipunsebat ahli biologi kalautan ingkang nyinaoni bab tuwuhan, kéwan, lan organisme sanèsipun saking lautan wiwit saking mamalia laut ingkang ageng ngantos plankton mikroskopis.[1]

Lebeting laut[besut | besut sumber]

Ing salebeting laut punika ugi kados déné dharatan, ingkang ugi dipundadosaken papan dumunungipun biota laut kados ta tuwuhan, kéwan-kéwan, lan ugi mikroorganisme ingkang urip. Biota laut punika dumunung wonten ing meh sadaya pérangan laut, wiwit saking pasisir, raining laut ngantos ing dhasaring laut ingkang paling lebet. Kawontenanipun biota laut punika sanget narik kawigatosanipun manungsa, boten namung amargi pagesanganipun ingkang rahasia sanget nanging ugi amargi biota laut ngewrat mupangat ingkagn ageng kanggé pagesanganipun manungsa. Elmu bab biota kalautan punika ngrembaka rikat sanget kanggé mbikak rahasiya pagesanganipun manéka warna jinising biota laut ingkang cacahipun jinisipun ageng sanget lan manéka warna jinisipun ugi inggil sanget. Inggiling rupa jinis biota ing laut namung saged dipuntandhingi déning rupa biota hutan hujan tropik ing dharat. Boten kirang saking 833 jinising tuwuhan laut (alga, lamun, lan mangrove), 910 jinis karang (Coeleterata), 850 jinis sepon (porivera), 2500 jinis kerang lan keong (mollusca), 1502 jinis urang lan yuyu (Crustacea), 754 jinis kéwan kanthi kulit duri (Echinodermata), 2000 jinis iwan (Pisces), 148 jinis manuk laut (Aves) lan 30 jinis kéwan menyusui (Mamalia), dipunmangertosi dumunung gesang wonten ing laut. Kajawi punika, ugi kecathet wonten pitung jinis penyu lan tigang jinis baya (Reptilia) ugi ingkang gesang ing laut.[2]

Cathetan suku[besut | besut sumber]

  1. Ahli biologi kelautan[pranala mati permanèn] (dipunundhuh tanggal 8 Pebruari 2013)
  2. BIOLOGI LAUT Archived 2013-01-30 at the Wayback Machine. (dipunundhuh tanggal 8 Pebruari 2013)