Andaliman

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Andaliman
Sichuan pepper utawi Andaliman ingkang wonten ing supermarket.

Andaliman inggih menika jinising bumbu masa khas ing Asia ingkang asalipun saking kulit njawi woh sapérangan jinis tuwuhan saking anggota marga Zanthoxylum (suku jeruk-jerukan, Rutaceae). Bumbu menika ing Indonesia namung dipunmangertosi kanggé masakan Batak saéngga dipunmangertosi tiyang tiyang njawinipun dhaérah minangka "merica batak" [1][2]. Masakan khas Batak kados arsik lan saksang mbetahaken andaliman minangka bumbu ingkang boten wonten gantosipun. Andaliman gadhah aroma jeruk ingkang lembut ananging saged damel mati rasa ing ilat sanajan pedesipun boten kados lombok utawi lada. Rasa kelu ing ilat menika amargi kandhutan hydroxy-alpha-sanshool wonten ing rempah kasebut. Kejawi ing masakan Batak, Andaliman dipunginaken minangka bumbu masak ingkang kawéntar ing masakan Asia Wétan lan Asia Kidul.

Nama Andaliman[sunting | sunting sumber]

Wonten ing Basa Mandarin Andaliman dipunmangertosi minangka huājiāo (花椒; harafiah: "lada kembang"). Tiyang Jepang mangertos minangka sanshō (山椒), déné wonten ing Korea Andaliman menika minangka sanchonamu (산초나무, Z. schinifolium) utawi chopinamu (초피나무, Z. piperitum). Tiyang Tibet, Nepal, Bhutan, lan India ugi mangertos bumbu menika. Wonten ing Basa Inggris nama ingkang paling kondhang inggih menika Sichuan pepper, variasi sanèsipun menika "Szechwan pepper," "Chinese pepper," "Japanese pepper," "aniseed pepper," "Sprice pepper," "Chinese prickly-ash," "Fagara," "sansho," "Nepal pepper," lan "Indonesian lemon pepper,".

Jinis-jinis[sunting | sunting sumber]

Kejawi andaliman (Z. acanthopodium) ing khazanah boga Indonesia ugi wonten kayu lemah (Z. rhetsa), kembang seriawan (Z. nitidum), lan karangean (Z. avicennae). Ing pungkasan menika dipunmangertosi minangka bumbu ing masakan Sunda.

  • Z. fagara (Afrika Subsahara, Amerika Selatan)
  • Z. simulans (Taiwan)
  • Z. armatum (Nepal)
  • Z. rhesta (India)
  • Z. piperitum (Jepang [daun])
  • Z. acanthopodium, Z. nitidum, Z. rhetsa, Z. avicennae (Indonesia)

Mupangat[sunting | sunting sumber]

Wonten ing masakan Batak, andaliman menika asring dipunginaakken. Supados saged dipunginakaken andaliman kedah dipunalusaken rumiyin lajeng dipundamel bumbu kanggé manéka jinis masakan Barak kadosta sambal na tinombur, arsik (iwak mas bumbu kuning), saksang (gulé babi), Dengke Mas na Niura, Sambal Tuktuk, Mie Gomak, lan sanèsipun [2] [3].

Cathetan suku[sunting | sunting sumber]

  1. ^ (id) Andaliman, (dipunakses tanggal 24 Februari 2013)
  2. ^ a b (id) Buah Andaliman Khas Sumatera Utara, (dipunakses tanggal 24 Februari 2013)
  3. ^ (id) Andaliman, (dipunakses tanggal 6 Maret 2013)

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Andaliman&oldid=837046"