Abd al-Rahman al-Sufi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Abd al Rahman al Sufi

'Abd al-Rahman al-Sufi (Farsi: عبدالرحمن صوفی) ingkang miyos wonten ing Rey, Iran tanggal 7 Desember 903 lan séda ing Shiraz ing tanggal 25 Mei 986 inggih punika satunggaling astronom Islam saking Persia ingkang ugi dipunmangertosi minangka ''Abd ar-Rahman as-Sufi, utawi 'Abd al-Rahman Abu al-Husayn, 'Abdul Rahman Sufi, 'Abdurrahman Sufi lan misuwur ing tiyang kulon nan kanthi nama Azophi; lan satunggaling kawah wonten ing bulan ugi dipunparingi nama kawah Azophi, wonten ugi planet alit ingkang dipunparingi nama 12621 Alsufi ingkang dipunparingi nama piyambakipun sasampunipun dipunpanggihaken piyambak déning Al Sufi. Al Sufi medalaken bukunipun ingkang paling misuwur kanthi irah- irahan Book of Fixed Stars ing taun 964 ingkang ngandharaken kathah saking padamelanpun, ingkang ugi ngewrat deskripsi teks ipun lan ugi gambaripun.

Biografi[sunting | sunting sumber]

Al Sufi inggih punika kalebet salah satunggal saking sanga astronom Muslim ingkang misuwur ing dunya. Namanipun inggih ugi paring pitedah bilih piyambakipun inggih satunggaling sufi Islam. Piyambakipun inggih ugi dumunung ing istana Emir Adud ad Daulah]] ing kitha Isfahan, Iran, lan makarya kangge ugi nerjemahken lan miyaraken karya- karya astronomi saking basa Yunani Kuno, mliginipun ingkang kanthi irah- irahan "Almagest" saking Ptolemy. Piyambakipun paring kontribusi kanggé ngorèksi saperangan dhaptar lintang karyanipun Polemy lan ugi nliti piyambak bab sepinten padhangipun objek- objek langit ingkang wonten lan pinten magnitudonipun, satunggaling asiling prakiran ingkang taksih wonten ingkang klentu saking tiyang- tiyang ingkang ndherek padamelanipun Ptolemy. Piyambakipun inggih ugi satunggaling penerjemah dhateng basa Arab mliginipun saking astronomi helenistik ingkang pusatipun wonten ing Alexandria, lan tata cara ingkang sepisaan inggih nyobi kangge nggayutaken basa Yunani kaliyan basa Arab ingkang tradhisional kangge nama lintang lan rasi lintang ingkang wonten, ingkang kadhang kala taksih boten wonten gayutanipun lan boten jumbuh kanthi cara ingkang njlimet.

Astronomi[sunting | sunting sumber]

Al Sufi inggih kalebet ilmuwan ingkang ngidhentifikasi Large Magellanic Cloud, ingkang saged ketingal saking Yemen, senajan ta boten saged dipuntingali saking Isfahan; lan objek punika inggih ugi boten saged ketingal saking Eropa ngantos wontenipun penjelajahan ingkang dipuntindakaken dening Magellan wonten ing abad kaping 16.[1][2] Piyambakipun ugi damel asiling rekaman observasi ingkang paling gasik saking galaksi Andromeda ing abad 964 AD, lan ngandharaken objek punika minangka satunggaling "awan alit".[3] Lan punika inggih galaksi sepisanan sanesipun galaksi Bima Sakti ingkang dipuntliti saking bumi.

Piyambakipun inggih ugi niti bab ekliptika montor mabur ingkang ugi wonten gayutanipun kaliyan garis khatulistiwa langit lan badhé langkung pas malih kangge ngetung dangunipun taun tropis. Piyambakipun ugi nliti lan ndheskripsikaken lintang- lintang, wonten ing pundi posisinipun, magnitudonipun lintang -lintang, lan ugi punapa wernanipun, lajeng netepaken asiling rasi lintang setunggal kaliyan rasi lintang sanesipun. Kangge saben rasi lintang ingkang dipuntliti, piyambakipun inggih ugi paring kalih gambar, ingkang setunggal saking njawi globe langit, lan gambar ingkang sanesipun saking lebetipun (kados ingkang ketingal saking bumi).

Al Sufi inggih ugi nuerat bab astrolabe, manggihaken ginanipun ingkang langkung kathah, lan piyambakipun ugi ngandharaken langkung saking 1000 ginanipun ingkang beda- beda wonten ing maneka warna bidhang, kados ta ing astronomi Islam, astrologi Islam, navigasi astrolabe angkatan laut, sirvei, time keeping, Qibla, Salah prayer, lan sanes- sanesipun.[4]

Wiwit taun 2006, pakempalan astronomi Iran, inggih punika Astronomy Society of Iran – Amateur Committee (ASIAC) ngadani satunggaling kompetisi observasi Sufi tingkat internasional kangge ngemut- emut jasanipun Sufi. Kompetisi ingkang sepisanan dipunadani ing taun 2006 ing sak lor ipun kitha propinsi Semban.[5] Dene kompetisi ingkang kaping kalih inggih punika kompetisi observais moe inggih dipunadani ing musim panas ing taun 2008 ing Ladiz caket kaliyan Zahedan. Langkung saking 100 panaliti saking Iran lan Irak ndherek partisipasi wonten ing adicara punika.[6]

Galeri[sunting | sunting sumber]

Cathetan Suku[sunting | sunting sumber]

  1. ^ "Observatoire de Paris (Abd-al-Rahman Al Sufi)". Archived from the original on 16 April 2007. http://messier.obspm.fr/xtra/Bios/alsufi.html. Retrieved 2007-04-19.
  2. ^ "Observatoire de Paris (LMC)". Archived from the original on 17 April 2007. http://messier.obspm.fr/xtra/ngc/lmc.html. Retrieved 2007-04-19.
  3. ^ Kepple, George Robert; Glen W. Sanner (1998). The Night Sky Observer's Guide, Volume 1. Willmann-Bell, Inc.. pp. 18. ISBN 0-943396-58-1.
  4. ^ Dr. Emily Winterburn (National Maritime Museum) (2005). "Using an Astrolabe". Foundation for Science Technology and Civilisation. http://www.muslimheritage.com/topics/default.cfm?ArticleID=529. Retrieved 2008-01-22.
  5. ^ http://www.asiac.ir/en/news/?NewsID=-333647997
  6. ^ رقابت صوفي، درآمدي بر سال جهاني نجوم‌
  • Mitton, Jacqueline (2007). Cambridge Illustrated Dictionary of Astronomy. Cambridge University Press. ISBN 978-0-521-82364-7