Yohanes Calvin

Saka Wikipédia Jawa, bauwarna bébas abasa Jawa
Jean Chauvin
John Calvin.jpg
Lair 10 Juli 1509
Noyon, Picardie, Karajan Prancis
Pati 27 Mei 1564
Jenewa, Swiss

John Calvin utawi saged dipunsebat Yohanes Calvin (lair ing Noyon, Picardie, Kerajaan Perancis, 10 Juli 1509 – pati ing Jenewa, Swiss, 27 Mèi 1564 ing yuswa 54 taun) inggih punika téolog Kristen saking Prancis ingkang misuwur ing wekdal Réformasi Protèstan.[1] Sapunika asmanipun kawentar minangka tiyang ingkang wonten gayutanipun kaliyan sistem téologi Kristen ingkang dipunsebat Calvinisme (Kalvinisme).[1] Panjenenganipun miyos kanthi asma Jean Chauvin (utawi Cauvin) ing Noyon, Picardie, Prancis, saking Gérard Cauvin lan Jeanne Lefranc.[1] Basa Prancis punika dados basa ibunipun. Calvin asalipun saking vèrsi Latin asmanipun, Calvinus.[1]

Biografi[besut | besut sumber]

Nalika alit Yohanes Calvin asring dipungayutaken kaliyan Charles de Hangest, salah satunggal saking kalih welas bangsawan inggil ing Prancis (twelve Peers of France) ingkang mréntah ing Ngoyon (panggènan Calvin dipunwiyosaken).[2] Calvin nggadhahi gayutan ingkang caket kaliyan anggota kulawarga Hangest.[2] Gayutan ingkang caket punika dados alesan Calvin nggadhahi tata krama kados déné aristokrtat.[2]

Wonten ing yuswa 14 (sekawan welas) taun, Calvin dipunkuliahaken dhateng Universitas Paris supados sinau bab humaniora lan hukum.[3] Calvin tindak dhateng Prancis kaliyan tiga nèm-nèman saking kulawarga Hengest. Taun 1532, panjenenganipun dados Dhoktor Hukum ing Orléans. Karyanipun ingkang sepindhah inggih punika buku karya filsuf Romawi Seneca, De clementia, ingkang dipunkomentari kanthi manthes.[3]

Taun 1536, panjenenganipun manggen ing Jenewa. Panjenenganipun dados pendhéta ing Strasbourg taun 1538-1541, lajeng kondur malih dhateng Jenewa. Panjenenganipun manggèn ing Jenewa ngantos dumugi tilar donya ing taun 1564.[3]

Cathetan sukuku[besut | besut sumber]

  1. ^ a b c d (id)You are hereJohanes Calvin Johanes Calvin dipunundhuh tanggal 24 Juni 2011)
  2. ^ a b c (id)[ Francois Wendel. 2010. Calvin: Asal Usul dan Perkembangan Pemikiran Religiusnya. Surabaya: Momentum 4-5]
  3. ^ a b c (id)[ J. L. Ch. Abineno. 2006. Bucer & Calvin, Suatu Perbandingan Singkat. Jakarta: Gunung Mulia]

Pranala njawi[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Yohanes_Calvin&oldid=1061992"