Wong Korea ing Jepang

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Sebutan wong Korea ing Jepang
Duwe kewarganegaraan Jepang
Hangul 한국계 일본인
조선계 일본인
Hanja 韓國系日本人
朝鮮系日本人
Alih Aksara Disempurnake Hangukgye Ilbonin
Joseongye Ilbonin
McCune-Reischauer Hangukkye Ilbonin
Chosŏngye Ilbonin
Kanji 韓国系日本人
朝鮮系日本人
Rōmaji Kankokukei Nihonjin
Chōsenkei Nihonjin
Duwe kewarganegaraan Koréa Lor
Hangul 재일조선인
Hanja 在日朝鮮人
Alih Aksara Disempurnake Jaeil Joseonin
McCune-Reischauer Chae'il Chosŏnin
Kanji 在日朝鮮人
Rōmaji Zainichi Chōsenjin
Duwe kewarganegaraan Koréa Kidul
Hangul 재일한국인
Hanja 在日韓國人
Alih Aksara Disempurnake Jaeil Hangugin
McCune-Reischauer Chae'il Hankukin
Kanji 在日韓国人
Rōmaji Zainichi Kankokujin
Ucul saka kewarganegaraan
(basa Koréa)
Hangul 재일동포/재일교포
Hanja 在日同胞/在日僑胞
Alih Aksara Disempurnake Jaeil Dongpo
McCune-Reischauer Chae'il Tongpo
Ucul saka kewarganegaraan
(basa Jepang)
Kanji 在日コリアン
Rōmaji Zainichi Korian

Wong Korea ing Jepang yaiku warga Jepang saka etnis Koréa. Saiki dheweke dadi klompok etnik minoritas paling gedhe ing Jepang. Umume wong Koréa ing Jepang yaiku wong Koréa Zainichi, utawa kadang-kadang disingkat Zainichi (在日?), yaiku penduduk permanen Jepang saka etnis Korea. Istilah Koréa Zainichi mung nuduhake warga permanen jangka suwe ing Jepang, sing isih njaga kebangsan Joseon (negara Koréa sakdurunge dibagi) utawa kewarganegaraan Koréa Kidul.

Tembung Zainichi ing basa Jepang tegese "urip ing Jepang", nanging istilah iki umume nuduhake wong Korea Zainichi, amarga jumlahe signifikan ing masarakat Jepang. Warga Jepang keturunan Korea, wong Korea sing entuk kewarganegaraan Jepang sing dinaturalisasi (bisa uga sawise revisi undang-undang 1985), uga warga biasa sing lair ing Jepang, ora diarani Zainichi.

Statistik[besut | besut sumber]

Miturut statistik Biro Imigrasi Jepang[1], ana 593.449 wong Korea ing Jepang ing taun 2007. Data iki ora kalebu wong sing njupuk kewarganegaraan Jepang.

Sadurunge ing taun 2005, ana 515.570 wong Korea kanthi status penduduk permanen (permanent resident)kanthi kategori umum lan khusus, 284.840 wong wus njupuk kewarganegaraan Jepang, 82.666 pengunjung jangka suwe, lan 18,208 siswa Korea ing Jepang, dadi gunggunge ana 901,284 wong.[2]

Sejarah[besut | besut sumber]

Keturunan Zainichi Korea saiki bisa nyelusuri jejak diasporane nganti wiwitan abad kaping 20, nalika Korea isih dikuwasani deneng kaisar Jepang. Ing taun 1910, minangka asil saka Prajanjian Annexation Jepang-Korea, kabèh wong Korea dadi warga negara Kekaisaran Jepang. Gelombang migran paksa diwiwiti saka taun 1920-an, Sajrone Perang Dunia II, ana akeh warga Korea sing diwajibake gabung karo militer Jepang. Gelombang migrasi uga kedadeyan ora suwe sawise Korea Selatan dirusak ing Perang Korea ing taun 1950an. Akeh pengungsi uga teka sawise tragedi pembunuhan massal ing Pulo Jéju.[3]

Statistik babagan imigrasi Zainichi arang banget ditemukake. Nanging ing taun 1988, sawijining klompok nom-noman Mindan sing diarani Zainihon Daikan Minkoku Seinendan (재일본대한민국청년회, 在日本大韓民国青年会) nerbitake laporan kanthi irah-irahan "Rama, critakake marang kita babagan dina kasebut. Laporan kanggo mbalekake sejarah kita" (アボジ聞かせて あの日のことを—我々の歴史を取り戻す運動報告書). Laporan kasebut nyakup survey babagan sebab kenapa generasi pertama wong Korea kanggo imigrasi. Asilipun yaiku 13,3% amarga wajib militer, 39,6% amarga alasan ekonomi, 17,3% amarga bebrayan lan kulawarga, 9,5% kanggo studi/urusan akademik, 20,2% amarga alasan liyane, lan 0,2% ora dingerteni.[4] Survei kasebut ora kalebu wong sing umure kurang saka 12 taun nalika tekan ing Jepang.

Integrasi menyang masarakat Jepang[besut | besut sumber]

Grafik populasi Korea ing Jepang.

Sawise aktivisme pirang-pirang taun, wong Zainichi ing Jepang saiki wis entuk posisi sing solid. Dhukungan saka organisasi pemuda Mintohren, organisasi kaum Zainichi (Mindan, Chongryon, lan liya-liyane), klompok minoritas liyane (Ainu, Burakumin, Ryūkyū, Uilta, Nivkhs, lan liya-liyane), uga wong Jepang sing simpatik, wis sukses ningkatake iklim sosial kanggo Zainichi ing Jepang. Uga ana wong Korea sing manggon ing Jepang sing nyoba nampilake awake dhewe dadi wong Jepang supaya ora ana diskriminasi.[5] Umume pemudha Zainichi saiki mung nganggo basa Jepang, sekolah ing sekolah Jepang, kerja ing perusahaan Jepang, lan saya asring nikah karo wong Jepang. Umume proses naturalisasi kedadeyan ing antarane para nom-noman, lan umume wektu naturalisasi kasebut pas karo wektu nalika nggoleki pekerjaan resmi utawa perkawinan. Wong sing wis entuk urip sing mantep kadang milih njaga kabangsaan Joseon utawa Koréa Kidul, lan nganggep minangka bagean saka warisan budaya.

Tokoh Korea-Jepang sing misuwur[besut | besut sumber]

  • Akiko Wada, penyanyi lan bintanv televisi
  • Jyongri, penyanyi lan panulis lagu J-Pop
  • Masutatsu Ōyama, pangripta karaté gaya Kyokushinkai
  • Verbal, rapper grup hip hop M-Flo
  • Yoshihiro Akiyama, atlit MMA Jepang

Dheleng uga[besut | besut sumber]

Referensi[besut | besut sumber]

  1. (in Jepang) 平成19年末現在における外国人登録者統計について.
  2. http://www.korea.net/korea/attach/D/03/123_en.pdf
  3. Title:"Diaspora without Homeland: Being Korean in Japan"|Author:Ryang, Sonia & Lie, John |Publication Date:04-01-2009 [1]"The same threat hung over thousands more who had arrived as refugees from the massacres that followed the April 3, 1948, uprising on Jeju Island and from the Korean War"
  4. 1988 在日本大韓民国青年会 『アボジ聞かせて あの日のことを -- 我々の歴史を取り戻す運動報告書 -- 』「徴兵・徴用13.3%」「その他20.2%」、「不明0.2%」「経済的理由39.6%」「結婚・親族との同居17.3%」「留学9.5%」
  5. Caste, Ethnicity and Nationality: Japan Finds Plenty of Space for Discrimination, Human Rights Features, HRF/39/001, 18 June 2001.

Pranala njaba[besut | besut sumber]