Wong Bosnia

Saka Wikipédia Jawa, bauwarna bébas abasa Jawa

Wong Bosnia utawa Bosniak (sajeroning basa asli: Bošnjaci) iku wong-wong Slavia Kidul katurunan saka sapérangan sing ndunungi sing alih agama dadi Islam ing sajeroning mangsa Karajan Ottoman (abad kaping 15 nganti abad kaping 19).

Wong Bosnia dijenengaké miturut jeneng Bosnia, sawijining nagara ing sisih kulon Balkan. Perlu diwigatèkaké yèn wong-wong sing sadurungé diarani Muslim Bosnia iku wong-wong saka suku Bosnia, nanging ora kabèh Muslim ing tlatah Balkan iku saka suku iki; ana uga golongan Muslim Slavia Kidul kaya déné suku Pomak sarta Muslim non-Slavia kaya suku Albania, suku Turki, lan suku Roma.

Nalika iku disebut suku Muslim (wiwit taun 1968) kanggo gawé cetha. Sebab jeneng "Muslim" iki tegesé wong saka Bosnia-Herzegovina sing dudu Kroasia utawa Serbia, bebrayan dominan liyané. Amarga wong non Krosia-Serbia iki akèh-akèhé (ananging ora kabèh) nganut agama Islam, mula jenengé banjur dadi "Muslim".

Wong-wong saka suku Bosnia nganggep Bosnia-Herzegovina minangka tanah leluhuré. Mliginé digandhèngaké karo tlatah-tlatah mawa sajarah Krajina Bosnia, Bosnia, Herzegovina, Podrinje lan Sandzak.

Nanging jeneng suku Bosnia iki uga ora uwal saka kontroversi. Akèh wong-wong Kroasia lan Serbia nyatakaké yèn kanthi jeneng mau wong "Muslim" (kaya-kaya) ngeklaim kabèh wewengkon Bosnia-Herzegovina, kamangka pedunubg asli Bosnia ora mung dhèwèké baé.

Ana watara 2,5 yuta wong-wong suku Bosnia ing saindhenging donya. Akèh-akèhé manggon ing Bosnia-Herzegovina (1.800.000). Basa sing dianggo ya iku basa Bosnia.

Uga delengen[besut | besut sumber]