Wimbledon (turnamèn tènes)

Saka Wikipédia Jawa, bauwarna bébas abasa Jawa

Wimbledon (basa Inggris: The Championships, Wimbledon) iku sawijining turnamèn tènes pinunjul sing dianakaké sajeroning mangsa watara rong minggu ing sasi Juni utawa Juli saben taun. Turnamen iki dianakaké ing lapangan suket lan minangka salah siji saka papat turnamèn Grand Slam.

Turnamèn iki dianakaké sepisanan ing taun 1877 déning All England Lawn Tennis and Croquet Club ing Wimbledon, London, wektu iku mung ana pertandhingan nomor tunggal putra. Sabanjuré ing taun 1884, nomor tunggal putri lan gandha putra wiwit ditandhingaké. Kayadéné turnamèn Grand Slam liyané, Wimbledon mung kanggo para pamain amatir nganti éra "terbuka" diwiwiti ing taun 1968. Bab sing narik kawigatèn ya iku ora tau ana juwara saka Britania Raya sajeroning nomor tunggal putra sawisé Fred Perry dadi juwara ing taun 1936, lan ora ana juwara saka Britania Raya sajeroning nomor tunggal putri sawisé Virginia Wade dadi juwara ing taun 1977.

Lapangan mliginé, Centre Court dibuka ing taun 1922 lan duwé kapasitas 14.000 penonton. Lapangan utama liyané, Court No. 1, dibangun ing taun 1997 kanggo ngganti Court No. 1 sing lawas. Kapasitasé ya iku 11.000 kursi. Kaloro lapangan utama iki mung dipigunakaké sajeroning rong minggu turnamen saben tauné. Lapangan paling gedhé katelu, Court No. 2, dianggep "lapangan angker" amarga wis akèh pemain top sing kalah sajeroning babak-babak wiwitan ing lapangan kasebut. Kapasitasé ana 3.000 kursi.

Pemenang paling akèh[besut | besut sumber]

Nomer Pemain Gunggung
Tunggal putra William Renshaw 7
  Pete Sampras 7
Tunggal putri Martina Navrátilová 9
Ganda putra Todd Woodbridge 9
Ganda putri Elizabeth Ryan 12
Ganda campuran Elizabeth Ryan 7
Gelar terbanyak (seluruh nomor) Billie Jean King 20
  Martina Navrátilová 20

Trivia[besut | besut sumber]

  • Rata-rata 42.000 bal tènes dipigunakaké lan 650 pertandhingan dimainaké ing turnamen tènes taunan ing Wimbledon

Uga delengen[besut | besut sumber]

Pranala njaba[besut | besut sumber]

Gallery[besut | besut sumber]