Willy Kusuma Surya Gani

Willy Kusuma Surya Gani utawa Gan Wie Lie yaiku salah sawijining Tokoh Tiyonghowa Indonesia ingkang misuwur. Dhèwèké lair ing 8 Januari 1922, Padang, Sumatera Barat. Sakwisé lulus saking Fakultas Kedokteran Universitas Indonesia ing taun 1960, Willy nglanjutaké studi menyang Kanada banjur éntuk gelar Diploma Public Health saka University of Toronto ing taun 1963. Banjur ing taun 1949 dhèwèké dadi Ketua Perhimpunan Mahasiswa Katolik (PMK) St. Bellarminus cabang Jakarta, nggabungake PMKRI St. Thomas ing Bandung lan PMKRI St. Lukas ing Yogyakarta dadi siji ing taun 1950, lan dadi Ketua Fusi PMKRI (1951-1952). Bali saking Kanada, Willy mèlu dadi panitia pandiri Fakultas Kesehatan Masyarakat Universitas Indonesia. Ing taun 1978 akhiré Willy pensiun saking universitas kuwi.

Willy Kusuma Surya Gani mbuka Fakultas Kedokteran ing Universitas Atmajaya lan ditunjuk dadi wakil Dekan (1967-1971), banjur dadi Dekan (1973-1977). Setaun dadi Dekan, dhèwèké ditunjuk dadi caretaker Rektor Unika Atmajaya (1977-1980). Rampung njabat dadi Rektor, Willy banjur dadi pengurus Yayasan Atmajaya lan anggota Badan Harian.

Wektu Rumah Sakit Akademi Atmajaya didhirikake, dr. Gani ditunjuk dadi direktur umum. Taun 1987 dhèwèké mundur saking jabatan kuwi nanging isih nyandang jabatan Ketua Dewan Pembina RS Akademi Atmajaya. Saking kabeh jasa-jasane, Sri Paus Johanes Paulus II menehi dhèwèké penghargaan Bintang Ksatria Ordo St. Silvester.

Pawiyatan

• Universitas Indonesia (1960)
• University of Toronto (1963)

Riwayat pagawean

• Ketua Perhimpunan Mahasiswa Katolik
• Ketua Fusi PMKRI
• Panitia pandiri Fakultas Kesehatan Masyarakat Universitas Indonesia
• Wakil Dekan Fakultas Kedokteran Universitas Atmajaya
• Dekan Fakultas Kedokteran Universitas Atmajaya
• Caretaker Rektor Unika Atmajaya
• Pengurus Yayasan Atmajaya
• Anggota Badan Harian Atmajaya
• Direktur Umum Rumah Sakit Akademi Atmajaya
• Ketua Dewan Pembina Rumah Sakit Akademi Atmajaya