Wadhuk panohan
Wadhuk Panohan ya iku salah sawijining wadhuk kang didadèkaké papan pariwisata ing Désa Panohan Kacamatan Gunem Kabupatèn Rembang Jawa Tengah. Wiwitané wadhuk iki dibangun déning Pamaréntah Kabupatèn Rembang kanggo nyukupi kabutuhan banyu irigasi tlatah persawahan ing kiwa-tengené Kacamatan Gunem lan Désa Panohan, lan kangga nyukupi kabutuhan banyu kanggo warga sekitaré.[1].
Kaéndahan wadhuk iki uga amarga diubengi karo bukit-bukit lan gunung, hawa kang sejuk lan alami kanthi wit-witan kang asri lan tegalan warga ing salèrèngé bukit.[2]. Tebing ing wadhuk panohan digawé undhak-undhakan kanthi arsitèktur kaya piramida. Tebing kang ana ing bukit digawé undhak-undhakan saéngga para wisatawan bisa munggah ing dhuwur bukit. Saka dhuwur bukit para wisatawan bisa ndelok pemandhangan wadhuk kang diubengi tebing-tebing. Saliyané iku uga ana anjungan kang ana pageré lan urugan lemah kang rada lumebu ing wadhuk, saéngga para wisatawan bisa lumaku nganti pérangan wadhuk kang rada tengah lan ndelok témbok mligi wadhuk kang ngadhep kali kanggo irigasi.[2].
cathetan sikil
[besut | besut sumber]- ↑ pustaka.pu.go.id Archived 2016-03-04 at the Wayback Machine.;
- ↑ a b Keindahan Waduk Panohan di Timur Jawa Tengah Archived 2012-06-10 at the Wayback Machine.;